- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Premier di Isreal, Netanyahu lo no bai Europa pa miedo di orden di aresto
JERUSALEM - Prome cu su bishita na Merca mas laat e luna aki, Prome Minister Israeli Netanyahu a planea prome pa haci un escala na Europa, pero riba un di dos pensamento el a dicidi di no haci esaki. E emisora israelí Kan ta informa cu Netanyahu tin miedo cu e lo wordo deteni si Corte Penal Internashonal (ICC) emiti un orden di aresto p’e.
Fiscal di ICC Khan a entrega un peticion na mei pa ordo di aresto contra e Promé Minister di Israel, Minister di Defensa Gallant y tres lider di Hamas pa supuesto crimennan di guera. Desde e tempu ei, huradonan a bin ta revisa e peticion. Ainda no ta cla ki dia nan lo tuma un desicion. Si enberdad un orden di aresto wordo emiti, e 124 paisnan cu ta miembro di ICC mester aresta Netanyahu si e ta riba nan teritorio.
Segun Kan, Netanyahu tabata considerando un escala na un pais Europeo amistoso di Israel, manera Republica Checo of Hungria, pasobra su avion no por maneha un vuelo transatlantico ora e ta yen di pasahero. Ta ser bisa cu awor el a dicidi di biaha pa Merca cu un grupo limita, haciendo un buelo directo posibel. Netanyahu lo tene un discurso na Congreso Mericano dia 24 di juli.
Barça ta surpasa Real den final di Supercopa di Spaña despues di un siman tumultuoso
MADRID - “Mi a bisa e team: ora tin hopi zonido pafo, nos mester ta mas fuerte”, e tecnico di FC Barcelona, Hansi Flick, a bisa prome cu e final di Supercopa di Spaña contra Real Madrid.
Aruba ta e destinacion cu a registra mas interes pa Argentinonan den januari 2025
BUENOS AIRES - E comienso di aña a marca un comienso fuerte pa turismo tanto den e pais Argentina como den exterior. Na januari 2025, Atrápalo Argentina a registra cresemento significante den benta compara cu e aña anterior. Cua tabata e destinashonnan mas popular pa e argentinonan?
Merca a aumenta e recompensa pa informacion pa detencion di Presidente di Venezuela
WASHINGTON - Despues di a ofrece inicialmente un oferta di recompensa di te cu $15 miyon dollar mericano pa informacion cu ta conduci na e aresto y/of condena di Nicolás Maduro Moros na 2020, e Departamentu di Estado mericano riba 10 di januario 2025, a anuncia di hisa e oferta di recompensa te na $25 miyon. Fuera di Maduro, a haci mescos pa Diosdado Cabello Rondon y Vladimir Padrino Lopez.
Corte a ‘spaar’ Trump di bay prizon pero ta mantene condena si
NEW YORK – Corte a ‘scapa’ presidente electo mericano Donald Trump di un castigo di prizon, pero ta mantene e condena si. Ta trata di e caso unda cu Trump a paga pa silencia un prostituta na aña 2006 di a tene relacion sexual cu ne. Un huez a mantene e condena pero no a dune un castigo. Mas tempran na mei di aña pasa un hurado a haya Trump culpabel unanimamente. Awe solamente e castigo a bira cla. Tambe tabata cla cu e sentencia lo no a resulta den un castigo di prizon. Hues a declara esaki caba anteriormente. Toch e condena ta unico: nunca prome un ex presidente a wordo condena na Merca. Trump a anuncia caba cu e lo apela e sentencia, sin importa kico e huez lo bisa awe. E ta haya cu ta un desgracia cu el a wordo condena y tin añanan ta papia di ‘un proceso politico’.
Belgica ta bolbe conseha poblacion pa bisti tapaboca na lugarnan yen di hende: ‘Code oranjo’
BRUSELAS - Pa prome biaha desde e fin di e pandemia di corona, tin atrobe un recomendacion oficial na Belgica pa bisti tapaboca. Un consecuencia di ‘codigo oraño’ den e Winterplan nobo. E ta wordo anuncia debi na e cantidad grandi di casonan di griep. Pa prome biaha desde e fin di e pandemia di corona, tin atrobe un recomendacion oficial na Belgica pa bisti tapaboca.
Putin y Zelensky positivo riba boluntad di Trump pa papia tocante guera na Ukrania
WASHINGTON - Como contesta riba e remarca di presidente elegi di Merca Donald Trump cu e ta preparando un reunion cu presidente Ruso Putin pa “termina” e guera na Ucrania, Kremlin a reacciona positivamente. Ta ser bisa cu presidente Zelensky tambe a indica cu e lo kier reuni cu Trump pronto.
Follow NoticiaCla
