SITA ta pidi pa tene cuidao den uso di credencialnan di biahe digital

SITA ta pidi pa tene cuidao den uso di credencialnan di biahe digital

Posted on 07/9/2024 9:49 am AST | Updated on 07/9/2024 9:50 am AST

MIAMI / ORANJESTAD - Na maart 2023, SITA y su partner strategico Indicio a desplega exitosamente e prome credencialnan di biahe digital (DTC) di mundo na Aruba, basa riba e standard di ICAO. Pasaheronan a optene nan DTC for di nan paspoort y a usa nan pa haña pre-aprobacion pa biaha pa e isla y crusa frontera den algun seconde door di simplemente waak un FacePod di SITA. E DTC aki ta wordo integra den multiple aerolinea mundial, y Aruba tin planea pa uza esaki pa haya biaheronan via imigracion y pa yega beach den 30 minuut.

Aunke identidadnan digital ta wordo uza caba pa racionalisa biahe, e sector mester actua cu cautela pa cumpli cu e exigencianan legal di gobiernonan, pasaheronan y aerolineanan. E solucion ta wordo haña den credencialnan di biahe digital (DTC) basa riba technologia di identidad decentralisa y bou di e norma di Organisacion Internacional di Aviacion Civil (ICAO) riba e technologia aki.

Di akuerdo cu SITA, un compania di solucionnan di technologia pa e industria di transporte aereo, e implementacion corecto di biahe digital por atende problemanan importante den e industria.

Na prome luga, el a splica cu ta spera cu e cantidad di pasahero lo surpasa 19 biyon na 2041, forsando aerolineanan y aeropuertonan pa optimalisa recursonan. Adicionalmente, biaheronan tin expectativanan cresiente pa experensianan digital sin problema sin filanan largo na aeropuertonan. Asuntonan di privacidad yseguridad di dato, specialmente rond di biometria, ta agrega complexidad ygastunan.

Mientrastanto, credencialnan di biahe digital cu ta usa technologia di identidaddecentralisa ta ofrece un garantia di identidad cu ta cumpli cu exsigencianan di gobierno y ta permití bo crusa fronteranan internacional. E credencialnan aki ta permití pasaheronan pa retene y controla nan datonan den carteranan digital y por wordo integra lihe den sistemanan actual di aeropuerto pa atende retonan di industria.

Credencialnan bon diseña tambe ta hacie mas facil pa integra servicionan nobo den e biahe di pasahero, manera hotel, huurmento di auto, trein of crusero. Esaki ta representa un evolucion di biahe digital mas aya di aeropuerto, ofreciendo un experencia mas completo y eficiente.

 

 

  • Powered by SETAR