Polis den alerta pa area di Palm Beach!

ORANJESTAD - Polis ta den alerta den area di Palm Beach. Esaki a keda confirma pa vocero di polis Lito Lacle diasabra mainta na NoticiaCla.com.  Tur pa posibilidad cu 'algo' por ta 'in the making' eybanda den forma di p.e. Un atraco  Segun Lacle, Ta for di ayera despues di merdia, Cuerpo Policial a ser notifica cu desconosinan a tira diferente obhetonan skerpi (e asina yama "crow's foot" zie foto attached) riba e caminda dilanti di Occidental Hotel, cu ta hiba na Setar Palm Beach, Mc Donald's, etc.

POSIBEL ATRACO

" Nos no sa kico ta e intencion pa hasi esaki pero, mirando cu esaki tabata e modus operandus den pasado relaciona cu un atraco serio, mesora a pone henter e personal di Districto di Noord, y otro departamentonan, riba alerta maximo y a cuminsa cu investigacion." Lacle a sigui bisa. Tambe a avisa tur donjo di negoshi den e area pa nan ta riba alerta pa cualkier movecion stranjo.

INFORMACION

Na e momentonan aki no por duna mas informacion ya cu ta hasiendo e investigacionnan necesario pa asegura trankilidad y seguridad den e area. Asina cu tin mas informacion, "Nos lo pone pueblo na haltura" .Cuerpo Policial kier hasi un yamado na cualkier persona cu por sa algo relaciona cu e caso aki of cu a mira algo stranjo, pa por fabor mesora yama central di polis na 100 of duna informacion anonimo via tiplijn: 11141.