Ali B. lo no ta presente na veredicto di su caso diabierna, su abogado ta informa

AMSTERDAM – E conocido rapper Hulandes Ali B. lo no ta presente na e veredicto den e caso di ofensa sexual contra dje diabierna. Su abogado a informa RTL Boulevard. E abogado no a bisa pakico e rapper lo no tey.

Un sospechoso no ta obliga di asisti na su huicio a menos cu corte ta rekeri esei. Durante e caso luna pasa na e huicio na Haarlem, B. a tuma tur tempo pa papia cu periodistanan riba e acusacionnan.

Luna pasa, Ministerio Publico a exigi un castigo di tres aña di prison p’e pa dos asalto sexual y dos violacion di tres hende muher, incluyendo e cantante Ellen ten Damme y un ex candidato pa The Voice of Holland. B. tabata un di e figuranan di e programa ei pa hopi aña.

Abogado di B. a pidi absolucion den tur caso. B. mes a bisa cu casi e no a durf di bisa nada, "pasobra mi ta un monster pa un banda di e pais y pa e otro banda e hende muhernan ta mentiroso. Mi ta kere cu ta hopi tristo pa tur hende." Tambe el a bisa cu e no a nota ningun señal cu e muhernan no tabata kier relacion sexual cun’e.