Jurima Bryson a haya sosten di Parlamento pa bira Ombudsman (vrouw) di Aruba

ORANJESTAD – Cu 12 voto pro, mr Jurima Bryson a haya sosten di mayoria den Parlamento dialuna pa bira Aruba su prome Ombudsvrouw.. Fuera di Bryson, tabatin mr. Kathy Paskel, actual director di DIMAS. Pero e la haya 8 voto, cu no tabata suficiente. Anteriormente tabatin un candidato mas cu a pasa e proceso di seleccion, cu ta mr George Croes, actual director di DWJAZ. Pero e la retira su candidatura na final. 

KICO TA UN OMBUDSMAN

E palabra ‘ombudsman’ ta bin di Suecia y ta nifica ‘representante’. Un ombudsman (of ombudsvrouw_) ta representa bo si bo tin un keho tocante gobierno of un organisacion. E ta investiga e keho y tuma un desicion. Hopi otro pais a adapta e idea Sueco aki na nan propio deseonan.