Buelo di Avianca bayendo Medellín a haci un aterisahe di emergencia: e bentana di e piloto a kibra

Posted on 07/8/2024 9:28 am AST | Updated on 07/8/2024 9:28 am AST

MEDELLIN - Den e ultimo oranan, a bin haya sa cu un vuelo di Avianca cu ta cubri e ruta Madrid, Spaña – Medellín, Colombia, mester a haci un aterisahe di emergencia, apenas 20 minuut despues di lanta vuelo. Atraves di rednan social, pasaheronan a informa cu den oranan di atardi di 7 di juli, e avion a sufri e kibramento di e bentana di e piloto no ta conoci si esaki tabata pa motibo di a wordo alcansa pa un parha of algun otro motibo, cual ta conoci cu e incidente a reduci e visibilidad di e piloto y a fors’e pa bolbe aeropuerto di Madrid, pa garantiza e seguridad di e pasaheronan.

Igualmente, ta conoci cu e incidente inespera a causa miedo grandi bou di e pasaheronan, kendenan mester a pone nan mes den e posicion fetal pa asina priorisa nan seguridad den caso di un accidente. Tabatin aproksimadamente 20 minuut di panico den laira.

Di mes manera, medionan di comunicacion Spaño a informa cu despues cu e bentana a kibra, e tripulacion a dicidi di suspende e vuelo y a recuri na e tecnica di dump e combustibel den laira pa reduci peso y facilita aterisahe.

Segun informacion oficial di Avianca, vuelo AV017 a baha safe y cu e 232 pasaheronan ileso, a indica tambe cu nan a haya asistencia y a wordo relocalisa pa otro vuelonan.

  • Powered by SETAR