- ATA: E mercado di Brazil ta sigui crece: 91% te cu Mei 2025
- Entrenamento forense di CARICOM ta fortalece e lucha contra crimen cu arma di candela den Caribe
- Turismo for di Latino America creciendo den aña 2025
- Iran ta lansa contra-atake ‘cu por lo menos 100 drone’ despues di ofensiva di Israel
- Jeon ta kibra silencio riba impasse cu Kenley Jansen
Beryl a dal Texas, Merca, dialuna mainta como un horcan
TEXAS - Tormenta Tropikal Beryl a intensifica segun cu e tabata asercando e costa di Texas, caminda su sentro a yega na tera dialuna mainta, 8 di juli, cu forsa di horcan atrobe, e Centro Nacional di Horcan (NHC) a informa ) for di Merca. Beryl, cu a yega na tera trempan diabierne último, 5 di juli komo un horcan di categoria 2 nort di Tulum, den Caribe Mexicano y a wordo baha na un tormenta tropical, a moveo den direkshon di Texas cu bientunan maxsimo sostene di 95 kilometer pa ora.
TRES TORMENTA
Den e temporada di horcan den e basin Atlantico, cu a cuminsa dia 1 di juni, tres tormenta tropikal nombra a forma te awor: Alberto, Beryl i Chris.
E aña aki Atlantico lo tin un temporada di horcan hopi riba promedio, cu e posibilidad di te cu 13 horcan, di cua te cu shete por ta grandi, segun e Acministracion Nacional di Oceanico y Atmosferikco (NOAA) di Merca.
E pronostico ta refleha cu e aña aki por forma un total di entre 17 y 25 tormenta, esta, cu bientunan maximo sostene riba 62 kilometer pa ora.
Iran ta lansa contra-atake ‘cu por lo menos 100 drone’ despues di ofensiva di Israel
TEHERAN - Israel ta bisa cu Iran a tira mas di 100 drone riba e pais como contesta na e atake di ayera nochi. Un bosero militar di Israel ta bisa cu “nos defensanan aereo ta haciendo tur loke nan por pa intercepta e menasa.”
Avion a cay banda di aeropuerto di India, tur 242 persona ta kere morto
NEW DELHI - Un avion di pasahero a cay banda di e aeropuerto Ahmedabad di India. Segun polis local, ningun di e 242 personanan abordo ta parce di a sobrevivi e accidente. E avion, cu tabata na caminda pa London, a cay den un area residencial poco despues di a lanta vuelo. Segun Air India, tabatin 230 pasahero y 12 miembro di tripulacion abordo. Polis ta bisa cu mas di 100 curpa a wordo hiba hospital.
Toque de queda den partinan di sentro di Los Angeles pa motibo di sakeo y vandalismo
LOS ANGELES - Un toque de queda a wordo impone den partinan di centro di Los Angeles. Protestanan contra e politicanan di inmigracion di presidente Trump ta andando den e ciudad pa dianan caba. Disturbionan a surgi, incluyendo sakeo y vandalismo. E toque de queda a drenta na vigor pa 8 p.m. ora local y lo dura te cu 6 a.m.
Dies morto den tiroteo na scol na Austria
GRAZ – Na Graz, e di dos ciudad di Austria, a sosode un tiroteo na un scol secundario. Dies persona a muri, e alcalde di Graz y polis ta confirma. Ademas di e diez mortonan, diesdos persona tambe a resulta herida, algun gravemente. Di e mortonan, seis ta femenino i tres ta masculino. Segun Kronen Zeitung, e sospechoso ta ser bisa di tin un historia di buracheria y a comete suicidio den un wc den e edificio di scol. E ex studiante tabata tin dos arma di candela. Ta ser bisa cu e tabatin e armanan den su poder legal.
Protestanan di Los Angeles ta intensifica despues di despliegue di Guardia Nacional
LOS ANGELES - E tensionnan na Los Angeles a aumenta mas despues di e despliegue di Guardia Nacional den e stad. Riba e di tres dia di protesta contra aresto y deportacion di migrantenan, miles di manifestante a subi caya. Nan a blokia un autopista y a cende autonan na candela.
Musk: Sin mi, Trump lo a perde e eleccion presidencial
WASHINGTON – “Sin mi, Trump lo a pèrdè e elekshon, Democratnan lo a controla e Camara y e Republikanonan lo tabata 51-49 den Senado”, tabata e ultimo declaracion di e un tempo bon amigo di Donald Trump, e magnate Elon Musk a bisa diahuebs. Pa basta dia tin un rivalidad y guera a cuminsa entre nan dos. Musk tambe a bisa esaki di Trump” Un ingratitud asina”.
Follow NoticiaCla
