Arubiano ta keda eligi como Rey di Carnaval na Hulanda pa ZomerCarnaval

ROTTERDAM – Pa e prome eleccion di Rey di Carnaval di Zomer, tin un Arubiano elegi. Rotterdam Unlimited Summer Carnaval a inicia oficialmente riba diasabra, 6 di juli, cu e tradicional Royal Election. Durante e emoshonante final di e eleccion di Reina y Rey, Larisa Da Veiga y Gillian Jersun Gil a keda nombra Reina y Rey Carnaval di Zomer 2024 door di e hurado Ademas di a lidera e iconico Parada di Caya dia 27 di juli den centro di Rotterdam, Reina Larisa y Rey Gillian ta traha henter aña como embahador di Summer Carnaval Rotterdam.

Pa hopi aña caba, e Reina nobo a wordo scohe durante e Royal Election  na cuminsamento di e Carnaval di Zomer. Desde 2022, ademas di un Reina di Carnaval di Zomer, un Rey tambe a wordo escogi. Larisa y Gillian lo por carga e titulo real pa un aña largo y den e rol ey lo fungi como e cara di Summer Carnaval Rotterdam y Netherlands Summer Carnaval Foundation pa un aña largo, tanto na cas como den exterior.

GILLIAN JERSUN GIL

For di un edad hoben, Gillian a envolvi den tur loke tin di haber cu carnaval na Aruba. Na 2013 el a cuminsa traha como boluntario cu organisacionnan envolvi den e carnaval. Semper el a yuda cu eleccion na Aruba. Na Aruba tin solamente Reina y ningun Rey. P’esey e tabata hopi contento di tende cu na Hulanda tin un oportunidad pa Reynan participa. Ora cu el a mira Eleccion di Real pa prome biaha aña pasa, mesora el a haya sa cu e tambe kier a presenta su mes riba e escenario di e Doelen. Cu resultado!

E candidatonan pa Royalty di 2024 tabata: Fernando Karsters, Maria Mc William, Gillian Jersun Gil, Larisa Da Veiga y Chanisa Elisabeth Martina.

E Parada di Caya di Carnaval di Zomer lo tuma luga diasabra 27 di yuli for di 12’or di merdia den centro di Rotterdam (di Blaak pa Coolsingel).