Alerta pa horcan Beryl probablemente lo wordo emiti pa Texas awe

MIAMI - Horcan Beryl a yega tera djis nort di Tulum na e costa di Caribe di Yucatan di Mexico awe mainta. E bientunan mas fuerte y e bandanan di awasero mas pisa a impacta Cancun y Cozumel. E bientunan mas halto a wordo calkula na 110 mph na yegada di tera.

Durante dia di awe, Beryl probablemente lo debilita segun cu e ta crusa e tera di Yucatán, saliendo den e Golfo awe nochi lat. Despues di su interaccion riba tera, tin algun pregunta con bon organisa e circulacion lo ta ora e yega bek riba Golfo mañan. Mas menos organisa e ta, mas largo e lo tuma pa reforsa segun cu e ta cana riba e awanan cayente di Golfo den direccion di Texas of nort di Mexico.

KICO POR SPERA SIGUIENTEMENTE

Den mayoria scenario imaginabel incluyendo un yegada na tera den nort di Mexico, impactonan lo wordo sinti den Sur di Texas. E pregunta ta, con leu nort y con leu den tera Beryl lo sigui? Posibilidadnan rasonabel ta trece impactonan te na nort di Galveston na costa, y te den interior di San Antonio y Austin.

Esei no ta un pronostico na e momentonan aki, pero e ta un posibilidad rasonabel pa cuminsamento di otro siman. Sea kla pa ola di tormenta na costa y áwacerotropical pisa cu biento fuerte den tera.