Gabinete Schoof mester hasi escoho duro pa mantene islanan di Caribe ‘habitabel’.

DEN HAAG - E gobierno nobo Hulandes di Schoof mester hasi escohonan politico duro pa tene e islanan Caribense di Boneiru, St. Eustatius  y Saba viabel na 2050. Esaki ta e conclucion di e comicion estatal di Desaroyonan Demografico den Hulanda Caribense 2050 den su rapport riba Cresemento Dirigi, cu tabata publica ayera.

E comicion estatal ta un hunta di conseho temporal y ta wordo dirigí pa ex formador Richard van Zwol. Esaki ta enfatisa e nesesidad di cresemento di poblacion dirigi pa garantisa calidad di bida riba e islanan.

“Bonaire, St. Eustatius i Saba ta enfrenta retonan grandi, tantu social como espasial. E cambionan demografico benidero, manera un poblacion cu ta enviehece y  migracion, ta haci escohonan político dirigí riba termino largo hopi urgente,” Van Zwol ta bisa.

TRIPLICA CANTIDAD DI HABITANTE ‘REAL’.

Segun e hunta di conseho, e calidad di bida riba e islanan ta bou di presion. E escala chikito di e islanan ta haci organisacion di facilidadnan caro y compleho. Ademas, e islanan ta vulnerabel pa contratempo economico y e consecuencianan di cambio di clima. E comicion ta pronostica cu e precion aki lo aumenta mas debi na un poblacion creciente y enviehecimento te cu 2050.

Accion di termino cortico ta nesesario

E comision ta enfatisa cu un poblacion cu ta enviehece ta rekeri acion adicional riba termino cortico. Escohonan politico coherente ta necesario tocante planificacion espacial, bibienda, economia y faclidadnan publico. Esaki ta rekerí cooperacion cu region y Hulanda Europeo, y tambe mas conosemento y dato mehora riba desaroyonan demografico.

E comicion estatal temporal ta boga pa politicanan robusto basa riba scenarionan demografico. Mester duna demografia un luga cla den tumamento di desicion pa prepara e islanan pa futuro.

E islanan Boneiru, St. Eustatius y Saba a bira municipionan special bou di autoridad di Den Haag na 2010. Curaçao y Sint Maarten awor ta paisnan separa denter di Reino. Aruba tabata tin e status ey for di 1986.