Eleccionnan Britanico: Victoria monstruoso pa Labor cu prome minister nobo Starmer

LONDEN - Un deslizamento politico a tuma luga diahuebs anochi laat den e eleccionnan parlamentario na Reino Uni, segun e prome resultadonan. Labor ta gana grandi, riba costo di e Conservativonan gobernante, y e lider Laborista Starmer ta e Prome Minister nobo. Esei no tabata un sorpresa. Tabata particularmente impresionante cuanto hende a vota pa Reforma UK pa e Brexiteer Nigel Farage.

Partido Conservativo di Rishi Sunak a sufri un derota pisa despues di diescuater aña na poder y a ricibi e cantidad di asiento mas abou for di 1918.

Despues Sunak a anuncia diabierna cu e lo baha como lider di e Partido Conservativo. “Mi ta disculpa,” Sunak a bisa na cuminsamento di su discurso di despedida. “Bo huicio ta tur loke ta importa. Mi a tende bo rabia, bo decepcion. Mi ta tuma responsabilidad pa e perdida aki.”

E partido di oposicion di centro-izquierda Laborista a logra un victoria monstruoso: un ganashi di mas di 200 asiento, ta ser spera. Keir Starmer (61) a keda nombra Prome Minister nobo di Reino Uni diabierna atardi.