Rotary Club Aruba tin directiva nobo cu presidente Diego Acevedo

Posted on 07/4/2024 10:29 am AST | Updated on 07/4/2024 10:30 am AST

ORANJESTAD - Recientemente Rotary Club Aruba a instala su directiva nobo pa 2024–25. E evento a tuma lugar na e edificio renoba di Maria Convent na Universidad di Aruba. Presidente saliente Luis Oduber a hiba palabra un rato unda e la desea e Presidente di aña Rotariano venidero tur clase di exito y gradici e miembronan y di e club cu a sa di duna nan sosten pa asina Rotary Club Aruba por a sigui cu su aporte y sosten na diferente fundacion riba nos isla.

E anochi a sigui cu instalacion di e directiva nobo bou di guia di Dr. Diego Acevedo, apunta como e siguiente presidente di Rotary Club Aruba pa aña 2024 – 2025. Diego ta miembro di Rotary Club Aruba desde 2017 y a fungi como miembro di directiva pa un paar di aña.

E otro miembronan di directiva a keda como lo siguiente: Rebecca Maduro (secretaria), Robert Henriquez (tesorero), Luis Oduber (presidente saliente), Rubiela Lampe-Chiquito (director di administracion di e club y vice presidente), Orlando Hoevertsz (director di miembrecia y secretario elegi), Paul Arends (director di proyectonan comunitario), Joost Lomans (director di Rotary Foundation) y Rishi Achaibersing (sergeant at arms).

Durante e anochi di instalacion, Diego a haci entrega tambe di reconocimento na Presidente Saliente di Rotary Club Aruba Luis Oduber cu un Paul Harris award pin pa su tremendo trabou durante e aña cu a pasa y asina termina su presidencia den un forma super ameno y positivo. Tambe Diego a honra miembro Stanley Looman pa su dedicacion y compromiso pa yuda nos comunidad. 

Presidente Diego a hiba palabra reflehando ariba su trayectoria y con e magia di Rotary a hib’e pa join Rotary Club Aruba, facilita pa un encuentro casual na un aeropuerto cu Rotarian Barry Rassin, ex-Presidente di Rotary International. E magia di Rotary, esaki ta e tema pa e aña aki. Presidente Diego a enfatisa ariba e magia di Rotary y e nificacion di crea “serendipity”. E la sigui na elabora tres elemento esencial pa logra esaki; siendo curioso, consciente y tumando accion claro semper teniendo na cuenta e “4-way test” di Rotary. Di e cosnan cu nos ta bisa, pensa of haci, nos tin cu puntra nos mes e siguiente 4 preguntanan: Prome: e ta e berdad? di dos: e ta husto pa tur esnan concerni? di tres: e lo yuda construi bon boluntad y mihor amistad ? y di cuater: e lo ta beneficioso pa tur concerni?

Presidente Diego ta sumamente orguyoso di e impacto positivo cu e famia di Rotary tin den nos comunidad. Rotaract Club Aruba y clubnan Interact Club Colegio Arubano, Interact Club Aruba na de Schakel College y Interact Club na International School of Aruba a bin ta hasi un tremendo trabao cu diferente proyecto nan.

Na final Presidente Diego kier a gradici tur esnan cu a haci e anochi di instalacion posibel.

  • Eugene Kemp y Dyrienne Geerman ta lansa tema nobo Cyber Love

    Eugene Kemp y Dyrienne Geerman ta lansa tema nobo Cyber Love

    ORANJESTAD – Recientemente e cantantenan Eugene Kemp y Dyrienne Geerman a lansa un tema nobo, titula Cyber Love, esta Amor Cybernetico. E banda cu ta compaña nan ta Youth Extreme, osea YX3M. E pensamento tras di e tema ta cu den un mundo modern, nos ta haya nos mes confronta cu technologia cu ta avansando hopi lihe, cu consecuencia cu e contacto humano practicamente ta depende dia pa dia di e technologia disponible. “Nos mester ta conciente di e contacto real, personal y fisico. Pues no solamente enfoca riba e contacto digital. 

  • Graduacion di Colegio Muchila Creativo na Violet Center for the Arts

    Graduacion di Colegio Muchila Creativo na Violet Center for the Arts

    ORANJESTAD – Colegio Muchila Creativo a organisa recientemente, dia  4 di Juli, graduacion di 3 studiante na Violet Center. Colegio Muchila Creativo ta un scol secundario pa studiantenan neuro diverso entre 15 pa 29 aña. 

  • Jeon ta presenta awenochi durante Heat Latin Music Awards na Punta Cana

    Jeon ta presenta awenochi durante Heat Latin Music Awards na Punta Cana

    PUNTA CANA - Awenochi 11 di juli lo bira un anochi grandi pa nos artista local Jeon. Esaki ta debi cu e lo ta un di e artistanan invita pa presenta riba e stage principal durante e 'Heat Latin Music Awards' di e canal internacional HTV. Ta trata aki di e di diez edicion di un di e premionan mas importante pa musica Latino Americano. Jeon lo ta hunto cu e artistanan Alex Sensation, Kiko El Crazy y Dj Adoni. Nan lo presenta nan 'summer hit' nobo cu jama Tekila. Algun siman atras a graba e video clip na Miami y otro siman e lo keda comparti riba diferente plataforma. Sinembargo diahuebs anochi mundo lo haya e primicia den forma bibo durante e evento aki. Tambe lo presenta riba e mesun stage aki artistanan manera Jey One, La Perversa, Silvestre Dangond, Tito el Bambino, Lomiel, Felipe Pelaez y hopi mas. E canal di television HTV lo ta dunando diferente premio manera productor di aña, mihor cancion viral, mihor artista tropical, mihor artista di salsa, mihor compositor di aña y hopi mas. E premio aki ta conta cu un sintonia grandi y lo keda transmiti via cable tv HTV, youtube y tambe via losheat.tv.

  • Cas Marie a keda Inaugura na Mama Ties na Santa Cruz

    Cas Marie a keda Inaugura na Mama Ties na Santa Cruz

    ST CRUZ - Dos mama recorda cu amor tabata e curason di un evento ayera nochi na Santa Cruz, Marie & Ties, ambos no ta cu nos mas, pero nan nomber y nan legado ta sigui inspira, mara pa semper na e servicio di nan comunidad.

  • Conocido cantante Sasha Figueroa oficialmente ta bek den e frontline di Tsunami

    Conocido cantante Sasha Figueroa oficialmente ta bek den e frontline di Tsunami

    ORANJESTAD  —Despues di 10 aña, pa e artista Sashah, tabata un experiencia cu a trece hopi emocion y satisfaccion, grabando un biaha mas cu su banda faborito di tur tempo Tsunami Aruba

  • AHATA Impact Award 2024 a reconoce 4 compania pa nan gran impacto positivo den nos comunidad

    AHATA Impact Award 2024 a reconoce 4 compania pa nan gran impacto positivo den nos comunidad

    ORANJESTAD  – Diabierna atardi a tuma lugar e di dos edicion di AHATA Impact Award, organisa pa Aruba Hotel & Tourism Association (AHATA). E programa di premiacion a reconoce varios compania cu a destaca den e ultimo aña pa nan responsabilidad social y invercion den mehoracion di nos comunidad. Un panel di hurado independiente, forma pa 5 profesionalnan, a revisa y analisa 33 aplicacion di companianan cu ta dedica tempo y recursonan na crea un impacto positivo den nos comunidad.

  • Powered by SETAR