Aruba International Regatta su 14 edicion a conclui exitosamente na Regatta Village

Aruba International Regatta su 14 edicion a conclui exitosamente na Regatta Village

Posted on 07/4/2024 10:23 am AST | Updated on 07/4/2024 10:23 am AST

ORANJESTAD - International Aruba Regatta 2024 a conclui diadomingo 30 di juni cu dos dia di careda y dos ceremonia di premiacion, celebrando e tremendo presentacionnan di ambos nabegadonan adulto y hoben.

Trofeo pa hoben y boto miniatura a keda presenta pa Marylin Feliciana di Aruba Airport Authority, mientras cu trofeo pa otro clasenan a keda presenta pa Michelle Harms di Aruba Bank y Rik van der Vaart, presidente di Aruba Regatta Foundation.

E eventonan y caredanan a tuma luga entre diabierna 28 di juni te cu diadomingo 30 di juni. Mirando e recepcion di entusiasmo cu a bini for di nabegadonan y publico, Aruba Regatta Foundation ta planificando caba p’e siguiente edicion cual ta esun di 15 pa otro aña.

Aruba International Regatta a consisti di diferente rango di clase di nabegadonan cu diferente abilidadnan, nivel y interes, incluyendo:

●       Optimist: Diseña pa tur nabegado jong pa asina mustra nan abilidadnan y competi contra otro

●       SailQubes: Esaki ta un otro clase pa nabegado jong, ofreciendo un plataforma pa juniors demostra nan abilidad di nabega

●       F-11: E nivel aki ta consisti di botonan conoci pa nan velocidad halto y agilidad, nabega pa hobennan cu tin hopi mas abilidad

●       Beachcats: High performance, lightweight catamarans cu mester dos hende den careda, traha pa speed emocionante. 

 

●       Windsurfers: Un clase emocionante na unda cu nabegadonan ta para riba un board y wanta e nabegacion pa un speed maximo. Competencianan a tuma luga den tres subclass: Mucha, Hoben y Adulto.

●       Sunfish: Esaki ta un clase hopi popular cu botonan chikito y facil pa maniobra, cual ta brinda bo experiencianan emocionante y cu hopi reto.

●       Three Yacht Classes:

-Live-Aboard Open Yachts: Pa e capitan cu nan boto no ta necesariamente diseña pa un careda competitivo.

-Multihull: Un careda den multihull sailboats cual a marca e di dos biaha den Regatta su historia cu tin participacion di esakinan

-Racing Yachts: E clase di mas competitivo, treciendo hunto e yatenan di mas rapido y tambe atrae nabegadonan cu hopi mas experiencia

 

●       Miniature Boats: Botonan chikito tradicional di 30-35 inch pa 40 inch traha na man reflehando Aruba su herencia maritimo, cual ta atrae diferente nabegadonan di otro islanan Caribense

 

Aruba International Regatta ta sigui crece den calidad y diversion tur aña, anto e aña aki e evento a bolbe demostra esaki sin ningun excepcion. Un nivel record di 98 nabegadonan incluyendo 31 hoben a participa e aña aki, den e siguiente categorianan: 

●       14 capitan di boto miniatura, cada un cu maximo 3 boto

●       31 nabegado hoben den Windsurf, Optimist, SailQube y F11

●       13 Sunfishes

●       4 Windsurfers /Adulto

●       3 Beachcats cu crew di 2 cada uno

●       2 Live-Aboard Cruiser Yachts cada un cu crew di 5

●       1 Multihull Yacht cu un crew di 5

●       3 Racing Class Yachts cada un cu un crew di 5

E condicionnan di tempo a yuda tin un nabegacion excelente den tur clase. Banda di e caredanan divertido, International Aruba Regatta tabata tin diferente cuminda dushi for di Trampolin pa Trabao y bebidanan pa esnan participando, e boluntarionan y publico henter. Entretenimento a bini for di Sax Man, Ronald Hopman riba diasabra y tambe banda talentoso di Reggea, THE ORIGINALZ, kende a toca solamente nan propio composicion riba diadomingo. Agregando n’e ambiente vibrante riba beach tabata SON (Sound Optimizing Network) tocando algun chill lounge music.

International Aruba Regatta ta pone un enfasis fuerte riba conservacion marino y nabegacion di di hende hoben. E evento su meta ta pa sostene y curasha hende hoben pa nabega, brindando un plataforma saludabel y divertido pa nan interactua cu otro y conecta cu naturalesa na un forma sostenibel.

Aruba International Regatta ta colabora hopi di cerca cu Stichting Rancho kende ta incansablemente traha pa conserva Aruba su cultura, particularmente Oranjestad su herencia Caribense. SYWA, Aruba su scol di nabegacion, ta disfruta di sosten completo for di Regatta mientras nan ta maneha e caredanan.

E aña aki, WRCA a join na e localidad den Surfside cu algun cursonan di nabegacion hopi excelente den Lagoon. Tactical Upwind Legs y Fast Downwind Legs a brinda condicion perfecto pa nabegadonan por mustra nan abilidadnan. Cu WRCA cerca di nos an Surfside riba ambos dia a engrandece e sentido di comunidad, integrando nabegadonan for di Aruba y region riba tur e clasenan, alineando cu e meta principal di Regatta.

Adicionalmente Regatta ta promove conservacion marino, treciendo conscientisacion tocante e importancia di proteccion di nos lama y su perservacion. Pa medio di combina e diversion di nabegacion cu e enfoke riba cuido di nos medio ambiente, International Aruba Regatta ta promove responsabilidad den loke ta water sports y actividadnan recreacional na lama.

Resultadonan di Aruba International Regatta 2024:

Miniatuurboats

30 inch

1 Raji Lamper            TopGun

2 Ceferino Gomes      Speedy

3 Pullun Ras               Palmera

 

35 Inch

1 Jay Quandt                                  Copeton

2 Lyondrick Hoek                          Lyondrick

3 Liberato Hoek                             Princess Yra

 

40 Inch

1 Ryan Lamper                              Respect The Fish

2 Shandrick Geerman                    Ban Pa Bay

3 Le de Windt                                Honey Boy

 

Windsurf Kids

1 Matteo Nobles

2 Tiago Roelofs

3 Julian Benkema

 

Windsurf Youth

1 Olivier van Sisseren

2 Tame Mondria

3 Joey Ross

 

Optimist

1 Finnigan Foht

2 Laurence Hernandez

3 Lucas Bonnevalle

 

Sailqubes Silver

1 Iona de l’Isle

2 Brayden Bareno

3 Devin de Cuba

 

Sailqubes Gold

1 Veronica St. Paul

2 Ashira Kurc

3 Jessie De Bie

 

F11

1 Zamir Kelly

2 Gillianne Christiaans

3 Eden Antersijn

 

Windsurf Adults

1 Nik van Eerenbeemt

2 Tom de Vries

3 Reinier van Sisseren

 

Sunfishes

1 Zane Winterdal, tambe ganado di  ‘travelling Ernie Kervel Trophy.’

2 Richard van der Wal

3 Randy Brown

 

Beach Cats

1 Arie Hoek, and Henk Steenbergen

2 Greg Marchena and Folkert van der Woude

3 Joost Saris and Sam Bonnevalle/Patrick Melchiors

 

Yachts: Live Aboard Cruisers

1 Galena, captained by Annemarie Melchers

2 Air Power, captained by Les Long

 

Yacht Multihulls

1 Inspiration, captained by Sergio Dubero

 

Yachts Racing

1 Ragamuffin, captained by Vivian Hankart

2 Tranquillo, captained by Anthony Hagedoorn

3 Sarita, captained by Ricardo Hurtado

 

  • Bowden: San Diego Padres kier laga Bogaerts liber despues di apenas 2 aña

    Bowden: San Diego Padres kier laga Bogaerts liber despues di apenas 2 aña

    SAN DIEGO - Apenas dos aña den e acuerdo entre San Diego Padres y e Arubiano Xander Bogaerts miyonario di 12 aña, segun e ex gerente general di Cincinnati Reds y Washington National Jim Bowden — awor un escritor pa The Athletic — Padres a mira sufisiente. Nan ta dispuesto, Bowden a bisa den un podcast di 30 di januari ultimo, pa ofrece Bogaerts pa comercio y asta agrega un prospecto na e pakete, tur den un esfuerso pa deshaci di e compromisonan salarial proximo di Bogaerts. Bogaerts ta debe $25 miyon na 2025 so — y mescos tur aña pa e siguiente ocho despues di esei. Asina e portal newsweek ta raporta. 

  • San Francisco Giants ta firma Arubiano Djean Macares y dune bonus miyonario!

     San Francisco Giants ta firma Arubiano Djean Macares y dune bonus miyonario!

    SAN FRANCISCO – E ekipo di baseball grandes ligas San Francisco Giants a agregaun par di miho prospecto mas den outfielder Djean Macares for di Aruba y Yulian Barreto for di Venezuela. Segun informe, Macares ta cla pa ricibi un bonus di firma di $1.1  miyon dollar. Macares tin un swing fluido for di e banda robes y ta barí e bala cu regularidad. Actualmente e ta dal bala hopi bon y tin preguntanan tocante si esei lo traduci na poder di home run segun cu e ta desaroya.

  • E hulandes Max Verstappen ta gana su di cuater titulo mundial di careda Formula 1

    E hulandes Max Verstappen ta gana su di cuater titulo mundial di careda Formula 1

    LAS VEGAS - Cu di cinco lugar den e Gran Premio Grand Prix di Las Vegas, Max Verstappen a gana su di cuatro titulo mundial. Esaki ta nifica ku, si bo wak e estadística, Verstappen ta un di e seis miho coredonan di tur tempo. E ta den e di kuater lugá compartí den e ranking eterno di Formula 1.

  • Di 7 Edicion di Diabetes Run & Walk: Un Gran Exito Apesar di Awasero

    Di 7 Edicion di Diabetes Run & Walk: Un Gran Exito Apesar di Awasero

    ORANJESTAD - Diadomingo pasa, e di 7 edicion di Diabetes Run & Walk a tuma lugar unda a spera 1.500 participante durante e ultimo careda di aña! E evento, cual a tuma lugar riba 10 di november, organiza den honor di Dia Mundial di Diabetes, a yega su capadida maximal un dia prome y a yuda pa asina recauda un total di 15.000 florin pa Jump18, bou liderazgo di Dr. Jamiu Busari. 

  • Center League U8 Aruba a keda na di tres luga na Punta Cana

    Center League U8 Aruba a keda na di tres luga na Punta Cana

    ORANJESTAD – E ekipo di Aruba Center League U8 a keda na di tres lugar den e torneo Bambinos 2024. Diaranson 6 di November 2024 nan a bolbe Aruba contento cu nan respectivo medayanan obteni. 

  • Di 7 Edicion di Diabetes Run & Walk: Conseho di Fernando de Graf pa un Bida Mas Saludabel

    Di 7 Edicion di Diabetes Run & Walk: Conseho di Fernando de Graf pa un Bida Mas Saludabel

    ORANJESTAD - Cu solamente algun dia mas prome di e 7 edicion anual di Diabetes Run & Walk diadomingo, 10 di november, nos ta invita e comunidad completo pa uni cu nos pa trece mas conscientisacion tocante diabetes y bida saludabel, mientras cu ta recauda fondo pa e iniciativa Jump18. Pa esnan cu no a registra ainda, tin un oportunidad final na Botica Eagle diabierna, 8 di november, entre 10:00 AM y 6:00 PM.

  • Powered by SETAR