CFT ta sugeri 6 medida cu gobierno mester tuma awor

ORANJESTAD – Un biaha mas, College Financieel Toezicht ta alerta gobierno di Aruba cu e medidanan cu a tuma pa presupuesto 2015, no ta suficiente. Como tal, -segun e carta di 8 pagina fecha 4 di juni (cu NoticiaCla.com a pone su man ariba)-, CFT ta sugeri un total di 6 medida, cu gobierno mester implementa pa por logra nan meta poni nan dilanti. Mester bisa si tambe, cu CFT ta elogia gobierno di un banda, cu ‘den forma limita gobierno a purba cumpli cu e medidanan sugeri di tanto december 2014 y april 2105’. “Pero tin risico grandi mara na e ehecucion di e presupuesto 2015. Y no ta sin mas cu e deficit 2015 ta yega e 3.7% di e PIB” e carta ta sigui bisa. “E aumento proponi di e health tax di 1% den e sentido ey, ta un bon paso”. Pero CFT ta sigui mustra cu esey no ta suficiente. Entre e medidanan, ta sugeri pa aumenta BAZV cu mei (1/2) porciento mas.

MEDIDANAN ADICIONAL

Entre e medidanan anuncia, CFT ta sugeri pa cuminsa traha riba e presupuesto 2016 teniendo cuenta cu falta ainda 2 luna pa formacion di esaki. Sigur, teniendo cuenta cu mester implementa un reduccion adicional di 2% di deficit den e presupuesto aki. A sugeri tambe pa no duna e opcion pa traha e ley pa un presupuesto di 2 aña mirando cu toch lo no logra esak pa 1 september. Pues no ta make sense pa inverti energia den esaki awo. Tambe CFT ta conseha pa riba termino corto, bin cu un trayecto dirigi riba e reduccion di e aumento structural di gastonan. Tambe kier pa gobierno aumenta BAZV cu .5% y fuera di esey, aumenta BBO. Y si por, BAZV aund mas (los di e .5% sugeri caba) . E motibo ta cu CFT ta mira cu gobierno lo no keda cla na tempo pa introduci e aumento di e % entrante 1 di juli. Pues aumentando e tarifa cu mei porciento, por ‘haal in’ e perdida sufri unabes cu e wordo introduci.

RAPPORT CUARTAL

CFT ta conciente tambe cu ta pa prome biaha cu gobierno a traha un asina yama 'raportahe di cuartal', y a haya compliment pa esaki tambe. CFT a duna directie finanzas masha elogio pa su profesionalismo riba e parti aki.

SOLIDARITEITSBELASTING 

Interesante ta e interpretacion di gobierno riba e puntonan di e protocol, particularmente punto 3 y 4, cu ta implica cu gobierno lo tin cu implementa tur e consehonan, incluyendo e solidariteitsbelasting. Pa esaki mester a trece un ‘nota van wijziging’, cu sinembargo no a tuma lugar. Loke cu (segun CFT), gobierno a haci, ta (pa medio di un amendement), adapta e asina yama grado di entrada pa un suma mas halto. “Cu esaki, a duna contenido na e conseho di CFT pa introduci un solidariteits heffing”. Pero e efecto netto (door cu parti di e entrada di BAZV ta bay directo na e gastonan di AZV), a keda minimalisa. Lesa e rapport completo aki.

-mas informacion na caminda-.