Britaniconan ta bay urna awe pa eligi un Camara Comun nobo

LONDEN - E britaniconan ta bay urnanan vota awe pa eligi un Camara Comun nobo. A menos cu e encuestanan di opinion ta completamente robes, e partido Laborista di oposicion lo kita poder for di e Conservadornan cu un mayoria grandi. Un tumamento asina ta hopi diferente na Reino Uni cu na Hulanda. Riba tur kos, e ta bai muchu mas lihe: Cabesnan ta lora hopi lihe .

Si un victoria cla surgi pa Labor despues cu e eleccionnan cera, lider di partido Keir Starmer lo huramentacomo Prome Minister mañan. Den e kaso ei, Prome Minister Conservativo actual Rishi Sunak probablemente lo anuncia su retiro diabierne mainta trempan. Despues e ta ofrece su renuncia na e Rey na Palacio di Buckingham.

Despues ta turno di e lider Laborista Starmer pa su audiencia cu Rey Charles. E monarca lo pidi Starmer pa forma un gobierno nobo. Despues Starmer ta duna un discurso dilanti di e famoso porta di e residencia ofisial na 10 Downing Street Despues e ta cuminsa traha mesora.   

Su prome tarea ta pa forma un gabinete, y esey tambe ta sosode cu velocidad di luz. Partidonan di oposicion ya tin un gabinete di sombra den cua ministernan di sombra ta ocupa posicionnan pa vigila e ministernan di e partido contrali riba nan dossiernan. Ora cu oposicion tuma poder, mayoria di e ministernan ta conoci caba. E parti mas importante di e team ministerial lo ta cla dentro di 24 ora.