Prome Minister Schoof ya caba a sinti di candela di oposicion y Wilders mes

DEN HAAG - Den su prome debate den Tweede Kamer (Camara di Representantenan, Prome Minister Schoof mesora a bini bou di candela pisa di algun di oposicion pa motibo di declaracionnan controversial di ministernan di PVV. Schoof a priminti cu su gabinete lo no exclui ningun hende y a bisa cu e tin tur confianza den tur miembro di su team, pero partidonan manera GroenLinks-PvdA y D66 no a keda satisfecho cu esey.

Di otro banda, lider di PVV Wilders a expresa critica duro riba su propio Prome Minister den e debate riba e declaracion di gobierno. Wilders ta kere cu e mester defende su ministronan mas fuerte. Schoof mes a yam’é “un debate algu straño”.

E partidonan di oposishon di ala robes, manera D66, ta kere cu e Promé Minister mester distanciá su mes mas cla for di e declaracionnan di e ministernan di PVV tokante, por ehempel, cresementu di poblashon y hende muhe cu ta bisti un paña di kabes islamico. Pero Schoof no kier a bay mas leu cu bisa cu e gabinete tey pa tur hende, incluyendo esnan cu ta bisti un paña di cabes asina.