ORANJESTAD - Diaranson pa 7:50 di anochi central di polis a wordo notifica di un bringamento cu lo ta bayendo for di man na un cas na Pindastraat. Central a despacha diferente unidadnan di polis na e sitio di e susedido. Na yegada di e prome patruya a bin encontra cu un hende homber cu un herida na cabez y no tabata reacionando.
A pidi pa ambulance cu maximo urgencia. Na e sitio e personal di ambulance a trata e victima pero lamentablemente no por a haci nada p’e victima. E victima, un hende homber, a keda identifica como Esdras Daniel Tejada (35) naci na Republica Dominicana. A haci dos detencion na e sitio. E prome detencion ta relaciona cu e caso y e di dos detencion ta pa stroba trabao di polis. Na e sitio a presenta departamento di recherche, polis technico como departamento di slachtofferhulp.
Cuerpo Policial ta haci un apelacion na es cu a wak algo of sa algo pa yama e tiplijn di polis cu ta 11141. Bo ta keda anonimo. Noticiacla y Cuerpo Policial ta manda palabra di condolencia na famia di e fayecido.
ORANJESTAD – Landsrecherche a suspende e dos polisnan envolvi den e caso di tiramento cu fin fatal di un hoben diadomingo. “E polisnan envolvi a wordo prohibi entrada den wardanan (di polis:red). Segun vocero di ministerio publico, ambos polis a wordo scucha como sospechoso. Ministerio publico a mustra cu ‘ta conciente cu e tiroteo tin impacto grandi riba comunidad di Aruba. “Pa e motibo aki, pa mas leu cu e investigacion ta permiti, OM lo percura pa informa regularmente tocante e investigacion y tocante e adelanto den e investigacion.
ORANJESTAD _ “Ta comprendibel cu e biaheronan cu a wordo nenga entrada na Aruba no ta contento y kier expresa nan frustracionnan den cualkier forma. Esaki ta sosode entre otro den forma di alegacionnan falso y/of circunstancianan exagera cu ta distorciona e berdad di loke en realidad a sosode na nan bentaha”. Asina e hefe di imigracion di Aruba Andrew Hoo a bisa Noticiacla como reaccion riba e articulo di dialuna cu e cabez: “Colombiano ta wordo nenga acceso na oficina di imigracion di Aruba. “Nos tabata un katibo.”
ORANJESTAD – Diamars, departamento di comunicacion di polis a informa cu diadomingo ultimo unit narcotica ta haci un inval riba un semi laboratorio di cocaine na un compleho di apartmento situa na Schotlandstraat. Na yegada di unit narcotica na dicho sitio ta detene dos turista procedente di Corsou. Ta trata aki di e hombernan di inicial Q.V.M. naci na Corsou di 35 aña y e homber A.A.A.R. naci na Corsou di 31 aña.
MACUARIMA – “Mi ta compronde tur e emocionnan y indiganacion cu tin ariba medianan social cu ta wordo comparti di e incidente” (di weekend unda cu un polis a tira un persona durante un persecucion:red). Esey tabata e prome reaccion di e alto comisario di polis Ramon Arnhem. “Di berdad, ta crucial pa warda riba e investigacion di Landsrecherche keda cla prome cu nos por saca nos conclusion of speculacion” .
MACUARIMA - E siman aki Cuerpo Policial Aruba ta contento di por anuncia cu a cuminsa un klas nobo di studiantenan di Polis. 15 hoben ta cla pa inicia nan carera policial pa asina nan wordo bon entrena y forma pa bira e futuro polisnan pa Cuerpo Policial Aruba. Mainta trempan altocomisario interino Sr. Robert Candelaria a presenta na Scol di Polis E.Y. Watty Vos pa asina hiba palabranan di motivacion y dunanan e sosten. Candelaria a elabora su trayectoria y experiencia na e hobennan como tambe e motibo cu e la bira polis y sirbi su Pais. E hobenan aki lo studia pa MBO nivel 4 y ta carga e nomber di N4-2025. Cuerpo Policial Aruba ta yama bon bini na 14 homber y 1 hende muher cu a dicidi di forma parti di Cuerpo Policial Aruba.