Premier Schoof den prome debate: Pueblo a duna un mensahe cla!

DEN HAAG – Den su prome debate den Tweede Kamer, prome minister Hulandes nobo Dick Schoof mester a defende e programa di gobernacion. “E acuerdo kier haci husticia na e resultado di eleccion” Schoof a bisa. Segun Schoof, e votadornan a duna un mensahe hopi cla pa scucha nan y kico nan preocupacion ta. E la priminti di tuma e mensahe ey hopi serio.  

ASILO Y MIGRACION 

Segun e premier, asilo y migracion ta e preocupacion di mas grandi. “Con cu bo kier bira e cuenta, esey ta e punto mas principal”. E preocupacionan ta real. Y tambe kier haya e confiansa bek. Y esey por solamente door di scucha di e votadornan. “Hulanda ta para pa un estado di derecho y cu Hulanda ta keda un socio importante pa Union Europeo y NATO”. 

EXTRA PARLAMENTARIO

A bisa tambe cu lo tin un gabinete extraparlamentario. Esey kier men cu lo opera mas los di e e fraccionan, cu ta e caso. Esey ta pone cu tin menos presion di coalicion y mas espacio pa cambia esnan den mayoria. E plan aworaki ta pa traduci e contenido di e acuerdo di gobernacion den un programa di gobernacion.