Por spera pasonan legal relaciona cu accionnan di boot camp awe

ORANJESTAD – E 13 hobennan ‘rescata’ awe mainta for di e Aruba Boot Camp, awe ta drumi na cas atrobe. Saca for di loke autoridad a yama un lugar a higienico y ‘full full fout’ (descripcion di un agente policial awe mainta), e hobennan awor ta bek na nan situacion di tur dia. Mes momento e hoben Webb cu ta na cabes di e boot camp, a sigura cu e caso ta den man di su abogado. E ta considera cu loke a sosode ta ‘contra ley’ y cu momento cu e grupo a drenta e boot camp, nan a ‘kibra ley’. No ta descarta cu por spera pasonan legal di parti di e hoben aki.

MAYORNAN DIVIDI

Mes momento den e noticiero di Telearuba, Telenoticia, por a tende mayornan di algun di e hobenan splica cu man na cabes, cu nan ta precupa atrobe pa destino di nan yiu. Esaki pasobra mientras cu tin un boot camp, nan yiunan ta na un bon lugar, leu di maldad. Pues tin mayornan cu ta contento cu e accion di awe mainta, mientras cu un grupo (hunto cu nan yiunan) ta man na cabez pa e situacion actual. VOOGDIJRAAD

Den caso di e director di Voogdijraad, Aisca Berkemeyer, el a sigura cu nan a drenta e boot camp awe mainta cu intencion pa proteha e menornan di edad interna den e Boot Camp. “Nos a yega na un punto cu eigenlijk no ta responsabel mas pa laga e menornan sin mas eyden”, asina e director di Voogdijraad a expresa. Na momento cu Polis a drenta den fin di siman ora cu ocho mucha a huy di e centro, nan a topa cu un situacion no higienico y no adecua pa biba aden.

POLIS

Cuerpo Policial Aruba a haci uzo di varios departamento pa bay cu mas o menos 10 Polis y varios van pa transporta e hobennan despues pa Cruz Cora, mientras cu a yama e mayornan pa busca nan yiu bek. Voogdijraad a presenta cu tur su 12 trahadonan social, pa por a atende cu e hobennan y nan mayornan pa cu e situacion aki.NOTA; fotonan ta di e