Diabierna otro siman Corte Supremo ta dicta sentencia riba apertura di matrimonio di mesun sexo na Aruba

AMSTERDAM – Diabierna mainta 9’or (ora di Aruba) dia 12 di juli 2024, Corte Supremo lo dicta publicamente den dos caso riba apertura di matrimonio pa parehanan di mesun sexo na Aruba y Corsou. Asina e Corte a confirma dialuna mainta. E ta recorda cu for di dia 22 di december 2023, Abogado General (AG) Snijders a conseha Corte Supremo pa sostene e decision di Corte Comun. Pa esnan cu kier sigui e sentencia en bibo, por haci esaki via un livestream riba e homepage di www.hogeraad.nl.

DECISION NA ARUBA

Manera ta conoci, recientemente Parlamento a vota pa e ley local, pero esaki no a logra pasa mirando cu pa di dos biaha, tabatin un empate di voto (10-10) cu ta nifica cu e ley den e concepto actual, ta keda destrui. Awor ta keda na Corte Supremo pa dicidi riba e tema aki, unda cu cualkier decicion cu cay, ta bira esun final.