Na Francia, partido di Le Penn a gana prome ronda di eleccion Parlamentario

PARIS – E partido radical derechista Frances Rassemblement National di Marine Le Pen  a gana e prome ronda di eleccion parlamentario Frances diadomingo cu 33% di e voto. E coalicion isquierdista a sigui cu 28%. E coalicion di e actual presidente Macron a keda pega na 21%. Despues di e resultado, Macron a yama e votadornan Frances pa sostene e cantidatonan republicano y democratico pa e di dos ronda cu ta tuma lugar otro siman diadomingo.