Embahada Hulandes a host delegacion di Aruba na Cuba

HAVANA - Camara di Comercio di Aruba acompaña pa minister di turismo di Aruba Otmar Oduber tabata invitado di honor na embahada Hulandes na Cuba diaranson anochi. Embahador suplente señor Achraf Bouali a ricibi e delegacion di Aruba y a gradici ambos e delegacion comercial presidi pa presidente di Camara di Comercio Daphne Agius Cesario-Lejuez y e delegacion diplomatico presidi pa minister Oduber pa nan presencia na Cuba y esfuersonan haci pa estrecha e lasonan entre e dos islanan. Durante e encuentro ameno na e embahada Hulandes tabata presente tambe Secretario General di Camara de Comercio de Cuba, señor Omar de J. Fernández Jimenez y un cantidad grandi di comerciante di varios sector y representantenan gubernamental di Cuba.

HABRI PORTA

Tin cu remarca cu ambos delegacion a wordo ricibi cu mannan habri y e reaccion di banda di Cuba y di embahada Hulandes ta sumamente positivo. E mision en cuestion a habri porta pa varios compania local di cual ya varios di nan a indica di lo regresa pronto pa continua cu nan negociacionnan