Depresion # 2 pronostica pa pasa panort di Aruba diamars como horcan Beryl

ORANJESTAD / MIAMI – E ola tropical pendiente den laman Atlantico, diabierna atardi a bira depresion tropical # 2, cu ta pronostica pa pasa panort di Aruba como horcan Beryl pa diamars merdia 2’or. E depresion tabata ubica 9.1 grado Nort y 41.9 grado West moviendo direccion west cu velocidad di 28 km pa ora. E biento di e depresion ta cerca di 55 km. Ta pronostica cu e ta bira un tormenta diabierna anochi pa diasabra mainta y un horcan dentro di dos pa tres dia. Cu tur esaki, tin chens tambe cu ora cu e ciclon drenta nos area, e por kibra tambe y disparce. Te na momento di e publicacion di e articulo akl, Meteo Aruba no a raporta riba e depresion aki ainda.