Luis Oduber apunta como interim director di WEB

ORANJESTAD – E miembro di directiva di WEB, Luis Oduber a keda apunta como interim director di e compania di utilidad, te proximo aviso. Esaki a keda confirma pa NoticiaCla.com awe tardi. Fuera cu ta confirma cu e director di WEB, Oslin “OJ” Boekhoudt a wordo manda cas, no tin mucho informacion mas riba su caso. Despues di esey, reunionnan intenso a tuma lugar entre hunta di comisario y directie di e compania di utilidad riba e situacion cu a presenta. Pa loke ta status di Boekhoudt, su oficina a wordo ‘ontruimt’ y ‘no tey mas’.

RETIRO DI OJ

Tabata awe merdia cu e noticia a plama cu e director a wordo ‘manda cas’, aunke e motibonan exacto no tabata conoci. A mustra cu hunta di comisario a dicidi cu ta mande cas, y e speculacion ta cu mal maneho di e lugar, incluyendo e asunto di hedging y otro decisionnan tuma-, por ta e motibo. Mas den dia a bira cla cu Boekhoudt a haya su retiro mes, y cu e hecho cu a ‘ontruim’ su oficina ta indica cu e lo no bin bek mas.

E noticia a plama hopi lihe y mesora a cuminsa rumornan di ken mas lo ta riba caminda pa cas, y tambe kico lo sosode awor cu Boekhoudt y demas miembronan di directiva.