Joe Biden a crea panico den campo di democratnan despues di debate cu Donald Trump

ATLANTA – E resultado di e prome debate entre presidente Mericano Joe Biden y ex presidente Donald Trump a crea panico den e campo Democratico diahuebs anochi. Hopi ta te hasta papia di un scenario unda cu ta pidi Biden pa baha como president y of cancela su candidatura pa e proximo eleccion. Durante e debate diahuebs anochi, Biden a mustra di ta bieu, cansa, bruha y fragil. E tabata pega den varios di su contestanan, tabata contesta bruha, staar perdi, y mas. Tur, puntonan cu un presidente no mester tin, como e lider di e pais mas poderoso di mundo. Segun prensa Hulandes (y internacional), Biden a crea un impresion desastroso y cu awor e partido Democrata (di Biden) ta den un estado agresivo di panico. E hecho cu Trump lo a lansa un cantidad di mentira flagrante, ya no tabata relevante mas, mirando e impresion cu Biden a laga atras. Na September tin e di dos y ultimo debate. Cu si despues di ayera, esaki ta continua, ta e pregunta grandi.