Google Translate ta añadi Papiamento tambe como idioma pa traduci

MIAMI – E fuente di informacion Google, ta añadi awe 100 idioma y dialect na su makinaria di traduccion, Google Translate. Entre nan, entrante awe ta añadi e idioma Papiamento. No ta conoci si ta e version Papiamentu of Papiamento. Te cu awor, si un persona tabata busca e palabra na Papiamento, e version mas cerca, tabata esun di spaño. Mester bisa si cu te cu awe mainta ainda, Papiamento no tabata aparece riba e programa, aunke cu ta anuncia cu esaki lo mester ta e caso. Esaki por tuma su tempo pues den curso di awe, pa e proximo dianan Papiamento mester forma parti di e programa aki.  Den combersacion recien cu Noticiacla tabatin cu e conocido linguista Ramon Todd Dandare, e tabata na altura cu tabata trahando riba e introduccion di Papiamento den Google Translate pero no por a bisa ki dia esaki lo a keda introduci.