Mark Rutte oficialmente nombra como hefe nobo di NATO

BRUSELAS – E miembronan di NATO a nombra Mark Rutte oficialmente como e proximo hefe di e organisacion aki. E nombracion tabata un formalidad ya cu despues cu su ultimo rival a hala atras, no tabatin otro candidato. E embahadornan di e paisnan di NATO a haci e decision uno definitivo awor. Rutte ta cuminsa cu su trabou nobo entrante 1 di October proximo. Rutte ta bira e di 4 secretario general di Hulanda. Otronan prome cune ta entre otro  Dirk Stikker (1961-1964), Joseph Luns (1971-1984) y Jaap de Hoop Scheffer (2004-2009). E ta reemplasa Jensen Stoltenberg.