Hulanda ta pasa pa siguiente buelta Copa Europa 2024 como number 3

BERLIN – E seleccion di Hulanda a perde su wega final den e prome fase cu 3-2 e seleccion di Austria, y ta termina na di 3 luga den e grupo D. Prome cu e e partido, tabata conoci caba cu kico cu pasa, Hulanda lo a pasa pa e di octavo final. E wega tabata uno ‘slap’ y ‘teribel’, segun comentaristanan deportivo Hulandes despues di e wega. Hulanda ta hinca un auto gol, cu despues ta wordo empata pa Hulanda. Despues Austria ta bolbe hinca uno cu atrobe ta keda empata pa Hulanda, pero despues ta sosode e sorpresa, e di tres (y ultimo) gol di Austria cu ta keda e marcado tambe di 3-2. E la gara tur fanatico di Hulanda di sorpresa, pasobra ningun hende a spera e derota aki. Cu e victoria aki, Austria ta pasa como number 1 di e grupo, sigui pa Francia, cu a empata awe contra Polonia, cu tambe no ta un bon prestacion. E problema di e resultado pa Hulanda, ta cu e tin chens di haya un ekipo ‘pisa’ como contrincante, y mas sigur ta hunga diadomingo awor. E contrincante ainda no ta conoci.