Meteo: Den proximo 24 ora tin posibilidad di awacero pisa na cierto parti di Aruba

ORANJESTAD – Meteo Aruba ta alerta cu “ den proximo 24 ora tin posibilidad di awacero pisa na cierto partinan di e isla”. E motibo segun Meteo, un ola tropical ta moviendo den parti oost di caribe y lo pasa cu mayoria di weer noord di nos isla“Sinembargo, e humedad y instabilidad cu e ta trece cune lo bai ocasiona awacero cu por forma molester na cierto partinan di e isla”. Pa loke ta lama tin cu bisa cu debi na e biento y awacero cu e systema aki ta bai trece cune, lama lo ta poko bruto, especialmente na partinan oost te noordwest di costa. 

AVISO PA BOTO

Tambe ta pidi pa tene cautela cerca of den awacero ya cu lama lo bira brutu ora awa ta cayendo especialmente den yobida fuerte cu ta wordu compaña pa lamper cu strena. un aviso pa boto chikito lo drenta na vigor awe tardi 6’or te proximo aviso.