Polis a detene varios hende durante control nacional di trafico den tur districto

MACUARIMA - Diabierna anochi Cuerpo Policial Aruba a tene un Control Policial Nacional den tur districto rond di Aruba. A infoca principalmente ariba maneha un vehiculo bou influencia pero como tambe a parti diferente sorto di boet.

Den total a controla 800 vehiculo di motor di cual tabata tin:

mas cu 100 boet pa infraccion den trafico, 

31 detencion pa maneha bou influencia di alcohol,

2 detencion pa droga,

Prohibicion p acore of bou influencia riba caminda publico tabata 13,

Y 1 vehiculo a wordo tuma den beslag.

Cuerpo Policial Aruba ta pone enfasis cu e controlnan aki lo sigui. Tanto mainta, atardi, anochi of marduga! Pa un trafico mas sigur pa nos comunidad!