Cft: Stipula e modificacion presupuestario 2024 mas pronto posibel

Cft: Stipula e modificacion presupuestario 2024 mas pronto posibel

Posted on 06/21/2024 7:46 am AST | Updated on 06/21/2024 7:47 am AST

PHILIPSBURG – E Colegio di Supervision financiero (CFt) kier pa gobierno di St Maarten stipula e modificacion presupuestario 2024 mas pronto cu ta posibel. E ta recorda cu riba 14 di mei 2024, Sint Maarten a stipula e presupuesto pa 2024. Esaki ta casi seis luna despues di e deadline di 15 di december 2023. Colegio di supervision financiero Corsou y Sint Maarten (Cft) ta preocupa pa e calidad di e presupuesto, y ta urgi e pais pa reconcilia esaki mas pronto posibel cu e normanan stipula den Ley di Reino Supervision Financiero Corsou y Sint Maarten (Rft). Asina a stipula e modificacion presupuestario aki, e pais por contrata un prestamo pa e inversionnan necesario.

Cft tin añanan largo ta expresa su preocupacion tocante di e retraso structural cu tin den e entrega di e presupuestonan stipula. Debi na e desaroyonan politico reciente, e proceso presupuestario pa 2024 ta keda ainda mas atrasa. Actualmente, e pais ta trahando riba un modificacion presupuestario pa 2024. Cft ta enfatisa e importancia di finalisa e proceso aki mas pronto posibel. Ademas, e pais mester implementa e plannan di enfoke redacta anteriormente, pa mehora di e proceso presupuestario. Lo mester prepara e proyecto presupuestario 2025 na tempo. 

PRESTAMO PA INVERSIONNAN

Na 2024, Sint Maarten kier contrata un prestamo pa construccion di un prizon nobo y trabaonan di mantencion di careteranan. Tanten cu e presupuesto 2024 no ta cumpli cu e normanan di e Rft, e pais no por contrata prestamonan mediante e inscripcion coriente cerca Hulanda. Cft a pidi Sint Maarten pa entrega un modificacion di proyecto presupuestario cu ta cumpli cu e normanan aki prome cu 1 di juli 2024.

REFORMANAN SERVICIO DI IMPUESTO 

Cft ta considera di sumo importancia cu ta modernisa e sistema di impuesto y e Servicio di Impuesto di Sint Maarten. Actualmente, e Servicio di Impuesto ta lucha cu escasez di personal y problemanan operacional grandi. Entre otro pa e motibo aki, e ingresonan di impuesto ta menos, compara cu e crecemento economico. Cft ta anticipa cu e pais lo por aumenta significantemente e ingresonan di impuesto riba termino cortico. Den e marco ey, Cft ta enfatisa cu ta importante pa Servicio di Impuesto y sobra instancianan, manera Audit Team Sint Maarten, pa tene mas controlnan. Na momento cu e realisacion di ingresonan di impuesto ta bira mas alto, Sint Maarten lo tin mas espacio den e presupuesto pa iniciativanan (di maneho) y inversionnan nobo. 

FONDONAN DI CUIDO Y FONDONAN SOCIAL

E deficitnan cerca e fondonan di cuido y fondonan social ta aumenta. Pa e periodo 2024 te cu 2030, e pronostico di Uitvoeringsorgaan Sociale en Ziektekosten Verzekeringen (SZV) ta mustra ANG 174 miyon na deficitnan adicional cerca e fondonan di cuido. Te awe, Sint Maarten no a implementa suficiente reformanan pa reduci structuralmente e deficitnan aki. Si e pais no ta tuma medidanan, Cft ta anticipa cu riba termino largo, esaki lo tin un impacto grandi riba e presupuesto nacional di Sint Maarten.

  • Lider politico controversial Olivier Arrindell y casa, tira na St Maarten

    Lider politico controversial Olivier Arrindell y casa, tira na St Maarten

    PHILIPSBURG--E politico controversial y lider di Oualichi Movement for Change (OMC) Olivier Arrindell a wordo tira na Maho diarason anochi, fuentenan konfiabel a bisa e corant di St Maarten, “The Daily Herald”.

  • Tur 9 lista y 135 candidato aproba pa eleccion na St. Maarten

    Tur 9 lista y 135 candidato aproba pa eleccion na St. Maarten

    PHILIPSBURG - Conseho Supremo Elektoral di St. Maarten a aprobá unánimemente tur 9 lista di kandidato ku ta partisipá den elekshon dia 19 ougùstùs awor. Esaki a tuma lugá durante un seshon públiko ku a tene den sala di reunion di parlamento.

  • Un Arubiano awor ta na cabez di The Ritz-Carlton na Turks and Caicos

     Un Arubiano awor ta na cabez di The Ritz-Carlton na Turks and Caicos

    PROVIDENCIALES - The Ritz-Carlton, Turks and Caicos a yama bon bini na Louella Brezovar-van Veen di Aruba como gerente general nobo di e hotel luhoso di Caribe. Cu un  carera stima den vários mercado i cu ta abarca mas cu 30 aña den hospitalidad, Brezovar-van Veen lo supervisa e operashonnan pa e oceanfront di 147 cambe .Brezovar-van Veen su carera extenso den hospitalidad a hib’é for di su raisnan insular pa propiedadnan na Merca y  atraves di Caribe. Durante e ultimo shete añanan, Louella a opera como e Hotel Manager na The Ritz-Carlton, Aruba unda el’a dirigi renobacionnan di e hotel.  “Mi ta honra di por asumí liderazgo na The Ritz-Carlton, Turks & Caicos y dirigií un team talentoso, mehorando e rendimento operacional y comercial mientras mi ta crea un experensia sublime pa e biahero mas exigente,” Brezovar-van Veen a bisa. Mi ta spera di por scirbi un capítulo nobo y yama biaheronan bon biní di rond mundo” e la finalisa bisando. A compronde cu Brezovar lo haci e trabou aki pa un tempo, pa despues bolbe Aruba. 

  • Un total di 9 partido a inscribi pa eleccion parlamentario nobo di St Maarten

    Un total di 9 partido a inscribi pa eleccion parlamentario nobo di St Maarten

    PHILIPSBURG -  Un total di 9 partido a inscribí dia 2 juli último pa partisipá na elekshon dia 19 ougùstùs awor na St. Maarten. Despues ku e koalishon di URSM DP, NOW i PFP a kai despues di apénas 17 dia, promé minister Luc Mercelina a pidi pa disolvé parlamento i yama elekshon nobo.

  • Raymond (Roy) Silberie ta director general nobo di Water -en Energiebedrijf Bonaire (WEB)

    Raymond (Roy) Silberie ta director general nobo di Water -en Energiebedrijf Bonaire (WEB)

    KRALENDIJK - Hunta di supervishon di Water – en Energiebedrijf Bonaire (WEB) a anunsiá e nombramentu dialuna di Sr. Raymond (Roy) Silberie komo e direktor general (CEO) nobo di WEB Bonaire N.V.

  • Horcan Beryl a baha di intensidad pero ta sigui hopi peligroso

    Horcan Beryl a baha di intensidad pero ta sigui hopi peligroso

    MIAMI – Segun National Hurricane Center, horcan feroz Beryl a baha di intensidad pa categoria 3 (di maximo di 5) pero ta sigui peligroso y ta alerta pa e consecuencia di disaster natural. E horcan ta drenta Caribe awe mainta y ta menasando islanan Aruba (No Isla Riba:red) y despues ta sigui direccion Jamaica. E islanan cu ta un posibel blanco directo, ta St Vincent & Grenadis. E premier a yama esaki un horcan teribel. St Maarten, Saba y Statia no ta den e caminda e biaha aki. Pa loke ta Aruba, den curso di dia, e oficina di crisis lo manda un boletin cu e actualisacion di e situacion y consecuencia. 

  • Powered by SETAR