Rapport TNO: Aumento di generacion di coriente di panel solar na Aruba ta creando presion riba e red di coriente

ORANJESTAD – E generacion creciente y entrega bek di coriente via panel solar riba dak, ta creando presion riba e red di tension abou, y ta provocando problema di tension (di red di coriente) den cierto bario. Asina e rapport di TNO cu a keda publica e siman aki, ta bisa.   

AUMENTO DI TRANSPORTE ELECTRICO

E raport tambe ta papia di un aumento grandi di transporte electrico na Aruba. Segun e rapport, na September 2023, tabatin mas of menos 650 auto  (di e total di 90 mil auto di famia) electrico. Entre nan e busnan pa transporte publico y varios ayto di huur. “Pa e aumento di cantidad di auto electrico, mester di un infrastructura di cargamento di electricidad y mester por sigura cu e red di coriente por carga esaki tambe” e rapport di TNO ta sigui bisa. 

CRUCERO

Ademas, den futuro, ta sigui posiblemente parcialmente electrificacion di bapornan crucero y aviacion, cu por tin un efecto significativo riba e sistema di electricidad na Aruba, door di e demanda halto durante momentonan cortico