Mas di tres biyon dollar di aerolineanan internacional pega na Venezuela

MIAMI – Aerolineanan internacional tin un total di 3.7 biyon dollar cash pega na Venezuela, debi na e control cu tin di divisa. Esaki e asociacion internacional di aviacion IATA (International Air Transport Association) a bisa e siman aki. Ta placa di e aerolineanan” director di IATA Tony Tyler a bisa despues di e reunion annual na Miami.

SINTA CU GOBIERNO

Mes momento IATA ta reconoce cu Venezuela ta den un situacion dificil y cu e no tin hopi placa pa duna. “Pero nos kier pa e gobierno sinta cu e industria y atende e problema eterno aki” Tyler a sigui bisa.

LIMITA CUPO

Aerolineanan manera American Airlines, Delta y Lufthansa ya caba a corta e capacidad di stul, y limita benta di pasashi pa e pais. Mes momento nan a stop di bente pasashi na bolivar y ta bendiendo pasashi solamente na dolar mericano. IATA a haci un yamada na gobierno pa establece un tipo di cambio singular pa benta di pasashi y e pago di e quota di e aerolineanan, y tambe traha riba un schedule di pago.

AÑA PASA

Cierto momento tabatin mas di 4.1 biyon dollar pega na Venezuela, pero e pais a libera parti di e placa aki aña pasa. Pero e aña aki ainda nan no a paga.