Pelotero professional di Corsou Profar ta encabesá tur outfielder di Liga Nashonal den voto pa All-Star Game

PHILADELPHIA - Jurickson Profar ta pasando den su mihó temporada den Liga Grandi. E yu di Kòrsou ta entre e lidernan den vários departamento ofensivo den Liga Grandi. Esaki a resultá den un bon aseptashon te ainda den votamentu pa All-Star Game.

Jurickson Profar ayera den e promé aktualisashon di e proseso di votamentu pa All-Star Game, ta enkabesá tur outfielder di Liga Nashonal den voto. E yu di Kòrsou ayera tabatin 900.541 voto. Esaki ta mas ku entre otro eks ganadónan di MVP Christian Yelich i Cody Bellinger.

Ozhaino Albies te ku ayera tabatin 247.571 i e ta na di sinku lugá entre segunda basenan di Liga Nashonal.

Por keda vota pa Jurickson i tur otro pelotero yu di Kòrsou manera Ozhaino Albies i Ceddanne Rafaela sinku biaha kada 24 ora, te ku 27 di yüni ora e fase 1 di votashon finalisá. Despues di esaki lo pasa pa bai fase 2 di e votashon, unda únikamente hungadónan  ku mas voto den e dos liganan, e mihó dos nan na kada posishon i tambe seis outfielder lo keda elegibel pa vota riba nan. Den kaso ku un di e hungadónan ku mas voto den un liga resultá di ta un outfielder, e  ora ei kuater outfielder lo avansá pa fase 2. NOTA: Texto ta scirbi den Papiamento