Decision di KvK pa cobra pa su servicionan digital a crea discusion cu columnista/abogado legal

ORANJESTAD – E hecho cu Camara di Comercio (KVK) recientemente a cuminsa cobra pa tin acceso na nan portal pa por haya informacion, a crea basta reaccion. Entre nan uno di un abogado conoci, Lincoln (Dello) Gomez, cu ta custumbra di via un columna, trece puntonan legal riba varios tema. Den e caso aki, e tema tabata e cobransa di KVK aki. E abogado columnista ta considera esaki ilegal y cu no tin base. Camara di Comercio ta diferencia di opinion. 

REACCION CAMARA DI COMERCIO

Den un reaccion cortico pa Noticiacla, e presidente di Camara di Comercio, Diederik Kemmerling a bisa cu nan no ta di acuerdo cu e ponencia di Gomez. Ademas nan ta bisa “Nos ta di opinion cu nos ta tene nos mes na ley, y e loke cu nos ta haci, ta legal”. Ademas Kemmerling a confirma tambe cu nan a busca asistencia legal pa sigui atende e asunto aki cu e abogado en cuestion.

E TEMA

Segun Gomez, Kvk a faya den mantene e.o. transparencia y standard legal, cu no ta solamente debilita e confiansa publico, pero tambe ta menasa e estado di derecho. “E implementacion di structura nobo di tarifa mester tin sosten di investigacion legal. Ora cu Gomez a publica su prome columna riba e tema, e no a haya reaccion di Kvk, cu a pone cu e ta cuestiona e actitud aun mas ainda. Pa e contenido di e prome columno riba e tema, por click AKI