ORANJESTAD - Diabierna awo, lo tin e apertura di e Operation Command Center na Savaneta. Na e localidad lo tin monitor super moderno pa controla tur e 258 camara, esta e camara di surveillance. Tambe ta trece den e Operation Command Center e Radar Kamer y Central di Polis, esta Centrale Meld Kamer. Segun minister di husticia Rocco Tjon, asina ta logra combati criminalidad mas eficiente, alabes preveni criminalidad door di por actua mucho mas lihe den “real time” y por resolve e casonan cu menos capacidad humano. Segun e mandatario, Aruba tin e Operation Command Center mas moderno y esun miho ekipa den nos region.
INTELIGENCIA ARTIFICIAL
Dicho camara ta traha riba cu un software cu inteligencia artificial. E camaranan ta reconoce number di auto, alabes e camaranan aki ta sigui instruccion si por ehempel kier busca un criminal bisti na “berde”. E camaranan aki ta busca tur criminal bisti den un t-shirt berde y ta aloca solamente e criminalnan bisti na “berde” den e screen. Pues, manera cu un atraco tuma luga por programa e camaranan aki y den “real time” e ta duna tur informacion selectivo riba entre otro, color di auto, color di paña y number di auto. Asina e sistema ta guia e polisnan pa actua mucho mas lihe pa resolve e casonan entre otro, crimen cometi.
UN TOTAL DI 258 CAMARA TIN INSTALA:
Actualmente, tin un total di 258 camera instala rond Aruba y lo keda amplia esaki nan. Tanto na High-rise hotel y den centro di San Nicolas pa nombra algun, pero en total tin 40 camara instala na localidad strategico.
ORANJESTAD – Landsrecherche a suspende e dos polisnan envolvi den e caso di tiramento cu fin fatal di un hoben diadomingo. “E polisnan envolvi a wordo prohibi entrada den wardanan (di polis:red). Segun vocero di ministerio publico, ambos polis a wordo scucha como sospechoso. Ministerio publico a mustra cu ‘ta conciente cu e tiroteo tin impacto grandi riba comunidad di Aruba. “Pa e motibo aki, pa mas leu cu e investigacion ta permiti, OM lo percura pa informa regularmente tocante e investigacion y tocante e adelanto den e investigacion.
ORANJESTAD _ “Ta comprendibel cu e biaheronan cu a wordo nenga entrada na Aruba no ta contento y kier expresa nan frustracionnan den cualkier forma. Esaki ta sosode entre otro den forma di alegacionnan falso y/of circunstancianan exagera cu ta distorciona e berdad di loke en realidad a sosode na nan bentaha”. Asina e hefe di imigracion di Aruba Andrew Hoo a bisa Noticiacla como reaccion riba e articulo di dialuna cu e cabez: “Colombiano ta wordo nenga acceso na oficina di imigracion di Aruba. “Nos tabata un katibo.”
ORANJESTAD – Diamars, departamento di comunicacion di polis a informa cu diadomingo ultimo unit narcotica ta haci un inval riba un semi laboratorio di cocaine na un compleho di apartmento situa na Schotlandstraat. Na yegada di unit narcotica na dicho sitio ta detene dos turista procedente di Corsou. Ta trata aki di e hombernan di inicial Q.V.M. naci na Corsou di 35 aña y e homber A.A.A.R. naci na Corsou di 31 aña.
MACUARIMA – “Mi ta compronde tur e emocionnan y indiganacion cu tin ariba medianan social cu ta wordo comparti di e incidente” (di weekend unda cu un polis a tira un persona durante un persecucion:red). Esey tabata e prome reaccion di e alto comisario di polis Ramon Arnhem. “Di berdad, ta crucial pa warda riba e investigacion di Landsrecherche keda cla prome cu nos por saca nos conclusion of speculacion” .
MACUARIMA - E siman aki Cuerpo Policial Aruba ta contento di por anuncia cu a cuminsa un klas nobo di studiantenan di Polis. 15 hoben ta cla pa inicia nan carera policial pa asina nan wordo bon entrena y forma pa bira e futuro polisnan pa Cuerpo Policial Aruba. Mainta trempan altocomisario interino Sr. Robert Candelaria a presenta na Scol di Polis E.Y. Watty Vos pa asina hiba palabranan di motivacion y dunanan e sosten. Candelaria a elabora su trayectoria y experiencia na e hobennan como tambe e motibo cu e la bira polis y sirbi su Pais. E hobenan aki lo studia pa MBO nivel 4 y ta carga e nomber di N4-2025. Cuerpo Policial Aruba ta yama bon bini na 14 homber y 1 hende muher cu a dicidi di forma parti di Cuerpo Policial Aruba.