Fundacion Alzheimer Aruba ta organisa dos seminario relaciona cu abuso di adulto mayor

Fundacion Alzheimer Aruba ta organisa dos seminario relaciona cu abuso di adulto mayor

Posted on 06/14/2024 9:37 am AST | Updated on 06/14/2024 9:42 am AST

ORANJESTAD – Riba 15 di juni, 2011, Fundacion Alzheimer Aruba a cuminsa cu e pagina di Facebook “Bisa No Na Abuso di Anciano“ cu poco poco a desemboca den e proyecto “No! Na Abuso di Adulto Mayor”, cu e obhetivo Conscientisacion y Prevencion di Abuso di Adulto Mayor y sigi desaroya projectonan pa sostene e manera con nos comunidad ta pensa, sinti y actua tocante edad y envehecimento.

Den cuadro di e di 23 aña di e resolucion di Nacionan Uni, ya menciona, Fundacion Alzheimer Aruba, Patronisador di e Proyecto: “No! Na Abuso di Adulto Mayor” ta organisa 2 seminario.

PROME SEMINARIO

1. E prome seminario lo tuma luga riba Dia Mundial di Conscientisacion y Prevencion di Abuso di Adulto Mayor, esta diasabra AWO 15 de juni.

2. E di 2 seminario lo tuma luga na San Nicolas diasabra 22 di Juni proximo (Keda

pendiente pa e contenido di e seminario aki).

PROPOSITO

E proposito y obhetivo di e seminario aki ta pa crea consciencia riba abuso contra Adulto Mayor, cu lo brinda informacion di kico ta cai bou Abuso di Adulto Mayor y con preveni entreotro, negligencia di cuidadornan, explotacion financiero, abuso emocional/psicologico, cu ta problemanan alarmante den nos comunidad actual.

E seminario aki ta habri pa publico y ta dirigi na adultonan mayor, nan famia, cuidadornan na cas, y esnan cu ta duna servicio di cuido y asistencia na adultonan mayor en general, (incluso esnan cu un of otro condicionan di salud fisico, mental, (neuro-)cognitivo y malesanan neuro- degenerativo di e malesa tipo Alzheimer).

ORADORNAN DEN SECUENCIA DI PRESENTACION:

1. Como prome orador den e Seminario di diasabra awo 15 di Juni, nos lo conta cu presencia di sra. Mr. Dr. Alida Marval (Hurista), cu lo elabora riba resultadonan di su investigacion riba Abuso Relacional y lo enfoka riba Abuso di Adulto Mayor.

2. Siguientemente abogado Mr. Gabri de Hoogd lo elabora riba “Explotacion Financiero di Adulto Mayor” y riba e base legal y ehempelnan real.

3. Siguientemente nos ta conta cu presencia di KPA representa pa sra. Clarisca Velasquez, Polis Di Bario, cu ta reemplasa Korpschef: drs. Ramon Arnhem.

Sra. Clarisca Velasquez lo presenta trabounan cu KPA ta desplegando e ultimo tempo pa e victimanan di Abuso di Adulto Mayor cu accento riba Prevencion di Abuso di Adulto Mayor. Tambe e lo elabora riba e aspecto di prevencion.

4. Como di cuater y ultimo orador, Dr. Carlos Vallego (neuro-cirugano) lo presenta su punto di bista encuanto Abuso di Adulto Mayor den practica di Salubridad na Aruba y lo presenta algun ehempel.

Horario di e Seminario: Diasabra awo dia 15 di juni lo ta di 1or–5or PM, Lugar ta: ATIA Building na Dakota Pedro Gallegostraat 6. Si ta desea di registra previamente pa asisti, por comunica na: Telefon / Whatsapp: 592 1430 Of na E-mail: [email protected]

Sinti bo mes liber pa comparti e informacion aki na bo coleganan, amigonan, bisiña y esnan cu sigun bo ta interesa den e prevencion y raporta Abusonan di Adulto Mayor.

Keda pendiente pa e contenido di e siguiente Seminario “Concientisacion y Prevencion di Abuso di Adulto Mayor” cu lo tuma luga diasabra otro siman na San Nicolas. Kedapendiente!

  • Powered by SETAR