Hulanda trahando riba ley pa minister por e.o. condiciona prijs maximo di pasashi pa islanan BES

Hulanda trahando riba ley pa minister por e.o. condiciona prijs maximo di pasashi pa islanan BES

Posted on 06/13/2024 10:50 am AST | Updated on 06/13/2024 10:52 am AST

DEN HAAG - Ministerio di Infrastruktura i Maneho di Awa (IenW) ta preparando un kambio di e Lei di Aviashon BES. E kambio akí ta krea un base legal pa institushon dí un obligashon di servisio públiko riba sierto ruta aéreo. Te ku 26 di yüli tur hende por reakshoná riba e proposishon di lei. 

Ku e kambio di lei proponé ta hasi posibel ku minister di IenW por instituí un obligashon di servisio públiko (public service obligation, PSO) riba sierto ruta spesífiko den Hulanda Karibense i entre e islanan di Hulanda Karibense i e otro partinan di Reino. Es desir ku den futuro, pa medio di un areglo ministerial, minister por pone kondishonnan pa kompanianan aéreo ku ta bula riba un ruta di transporte aéreo spesífiko. E kondishonnan akí ta por ehèmpel preis máksimo pa pasashi, kantidat mínimo di buelo, kantidat stipulá di stul pa buelo i garantia di kontinuidat di buelo. Tambe e minister por skohe pa selektá un kompania di aviashon pa medio di destaho, pa ehekutá e buelonan akí. 

BON AKSESIBILIDAT 

Institushon di un obligashon di servisio públiko por kontribuí na bon aksesibilidat di e entidatnan públiko na Hulanda Karibense. E espektativa ta ku e enfoke na promé instansia lo ta riba e konekshon entre Sint Maarten i Saba/Sint Eustatius. E islanan aki ta dependé pa nan aksesibilidat pa gran parti di konekshon aéreo ku Sint Maarten. E entidatnan públiko i abitantenan ya pa algun tempu kaba ta urgi pa drecha nan aksesibilidat. Esaki ta importante pa desaroyo ekonómiko i sosial i ta hasi por ehèmpel institushonnan edukativo i hospitalnan mihó alkansabel. 

KONSULTA

E promé paso ta awor konsulta di e proposishon di lei. Ta te ora e lei drenta na vigor numa, ta posibel pa instituí un PSO. E ora ei mester buska finansiamentu p’e ainda tambe. Tokante esaki e gabinete nobo lo mester tuma un desishon den futuro.

Pa mas informashon i pa reakshoná riba e proposishon di lei tur hende por akudí te ku 26 di yüli 2024, riba Overheid.nl | Consultatie Wijziging Luchtvaartwet BES voor grondslag openbaredienstverplichting (internetconsultatie.nl). NOTA: Texto ta scirbi den Papiamento fonetico di Corsou. 

  • Rapper Hulandes Ali B. sentencia na 2 aña prizon pa violacion di un hende muher

    Rapper Hulandes Ali B. sentencia na 2 aña prizon pa violacion di un hende muher

    HAARLEM – E conocido rapper y productor Hulandes Ali Bouali, miho conoci como Ali B. a keda sentencia pa e Corte di Haarlem na dos aña di prizon pa violacion di un muhe y intento di viola Ellen ten Damme. E rapper a keda absolvi di e otro ofensanan sexual pasobra no tabatin suficiente evidensia convincente pa e acusashonnan aki. E caso ta draai rond di cuater ofensa sexual cu ta envolvi tres hende muhe: Naomi, ex  participante di The Voice Jill Helena y cantante Ellen ten Damme.  

  • Ex director di aeropuerto di Aruba apunta CEO di un aeropuerto di Hulanda

    Ex director di aeropuerto di Aruba apunta CEO di un aeropuerto di Hulanda

    AMSTERDAM – Ex director di aeropuerto di Aruba Joost Meijs a wordo nombra como CEO di Maastricht Aachen Airport (MST), cuminsando 1 di october 2024. Meijs ta sigui Jonas van Stekelenburg como director di NV HBLM. NV HBLM ta inclui e companianan operativo Maastricht Aachen Airport BV y Maastricht Aachen Management & Infraport Airport. E Hunta di Supervishon a nombra Joost Meijs debi na su experencia amplio di liderazgo y trayectoria den e industria di aviacion.  Joost Meijs tabata CEO di Aeropuerto di Aruba, y prome cu esey Aeropuerto di Eindhoven. E accionistanan y conseho di trabao ta sostene su nombramento.

  • Secretario di Estado pa Asuntonan di Reino Szabó lo bishita Aruba na augustus!

    Secretario di Estado pa Asuntonan di Reino Szabó lo bishita Aruba na augustus!

    DEN HAAG - Secretario di Estado Szabó lo ta bishitando Aruba den luna di Augustus pa asina cera conoci cu e isla. Asina prome minister di Aruba Evelyn Wever Croes a bisa diamars. Esaki e la confirma despues di a reuni cu ne digitalmente. Esaki ta e prome bishita di e mandatario Hulandes despues cu e la huramenta dia 2 di juli ultimo. E ta reemplaza Alexandra van Huffelen cu a carga e cartera anteriormente. No ta conoci si Szabó lo continua cu e maneho di van Huffelen. 

  • Churandy Martina ta participa na su di 6 weganan olimpico na Paris

    Churandy Martina ta participa na su di 6 weganan olimpico na Paris

    AMSTERDAM - Churandy Martina por prepara pa su di seis Weganan Olimpico. E sprinter di 40 aña a wordo inclui den e seleccion Hulandes di e team di relevo pa e 4x100 meter.

  • Mal tempo na Hulanda awe cu codigo oraño: hagel di te cu cuater centimeter di tamaño

    Mal tempo na Hulanda awe cu codigo oraño: hagel di te cu cuater centimeter di tamaño

    AMSTERDAM – Awe diamars tabatin un bon chens pa strena pisa cu hopi awacero, hagel te cu cuatro centimeter di tamaño y rafaganan pisa di biento. KNMI a subi te na codigo oraño for di 4 or di atardi pa mei anochi. E instituto ta adverti contra actividatnan den aire liber cu por ta peligroso durante tormenta di strena. KNMI ta spera hopi molester y daño grandi dor di tormentanan fuerte prome den zuidwest y despues den henter e pais. Lamper lo causa hopi destruccion. Ta anticipa velosidad di biento di te cu 100 kilometer. 20 pa 40 mm di awa tambe lo kai den un tempu cortico.

  • Baby morto den auto di Rotterdam ta ‘suceso tragico’, tata ta liber atrobe

    Baby morto den auto di Rotterdam ta ‘suceso tragico’, tata ta liber atrobe

    ROTTERDAM - E homber detene ayera despues di morto di un baby haña den un auto na Rotterdam a keda laga den libertad. E polisnan ta informa cu e ta concerni e tata di e baby, un homber di 33 aña di Rotterdam.

  • Powered by SETAR