Asesino di Peter de Vries ta resulta di ta desenciente Arubiano

Asesino di Peter de Vries ta resulta di ta desenciente Arubiano

Posted on 06/13/2024 9:55 am AST | Updated on 06/13/2024 10:54 am AST

WILLEMSTAD – Manera ta conoci, ayera korte di promé instansia a dikta sentensia den e kaso asesinato di e periodista hulandes Peter R. de Vries. El a keda asesiná na yüni 2022. Den e kaso aki tin kuater hòmber kurasoleño i tambe unu desendiente di Aruba. En total ta 9 akusado ta dilanti di korte pa e kaso aki i nan tabatin vários ròl durante di e asesinato. Dos hòmber di Kòrsou a keda apsolvé di e kaso, pasobra nan no tin sufisiente prueba ku nan ta envolví den e asesinato di e periodista hulandes ku a shòk komunidat di Hulanda i aki na Kòrsou tambe. Un dje hòmbernan kurasoleño ku a keda apsolvé di tur kulpa den e kaso aki, a keda detené na Kòrsou tambe despues dje asesinato.

Den e kaso aki Ministerio Públiko a demandá kastigu di bida largu, pero korte den su sentensia no ta yega na kastigu di bida largu. Korte a haña probá ku Delano Geerman. (24) desendiente rubiano t’esun ku a tira, Kamil E. (38) tabata e shofùr, i e organisadó Krystian M. (29) a kometé e asesinato. Delano i Kamil kada unu ta haña 28 aña di prisòn i Krystian 26 aña di prisòn.

E tres akusadonan aki nunka promé a yega di kometé asesinato, korte di Amsterdam ta haña ku un kastigu di bida largu ta muchu pisá pa nan. Pa korte ta bon kla ku aki tin kuestion di a plania morto di de Vries. Ademas Krystian no por haña kastigu mas ku 26 aña di prisòn, pasobra resientemente den otro kaso di maltrato pisá, el a keda kondená na 3 aña di prisòn. Pues awor e tin di sinta maksimalmente 30 aña di prisòn. Tambe korte no a haña probá ku e asesinato riba de Vries tin tinta di terorismo.

Te ainda no sa e motibu dikon a mata de Vries, tampoko ku e tabatin kontakto ku e persona di konfiansa di e Testigu Prinsipal den kaso di Ridouan Taghi. Konrad W. A haña 14 aña di prisòn pasobra el a entregá e arma na e akusadonan. Erickson O. i Gerower M. ámbos di Kòrsou tabatin un kontribushon importante na ehekushon dje asesinato i kada unu ta haña 10 aña di prisòn. Pa loke ta trata e yunan di Kòrsou Ludgardo S., Divainy K, i Christopher W. tur tres a keda apsolvé dje asesinato pasobra no tin prueba kontra di nan. NOTA: Texto ta scirbi den Papiamento fonetico di Corsou. 

  • Rapper Hulandes Ali B. sentencia na 2 aña prizon pa violacion di un hende muher

    Rapper Hulandes Ali B. sentencia na 2 aña prizon pa violacion di un hende muher

    HAARLEM – E conocido rapper y productor Hulandes Ali Bouali, miho conoci como Ali B. a keda sentencia pa e Corte di Haarlem na dos aña di prizon pa violacion di un muhe y intento di viola Ellen ten Damme. E rapper a keda absolvi di e otro ofensanan sexual pasobra no tabatin suficiente evidensia convincente pa e acusashonnan aki. E caso ta draai rond di cuater ofensa sexual cu ta envolvi tres hende muhe: Naomi, ex  participante di The Voice Jill Helena y cantante Ellen ten Damme.  

  • Ex director di aeropuerto di Aruba apunta CEO di un aeropuerto di Hulanda

    Ex director di aeropuerto di Aruba apunta CEO di un aeropuerto di Hulanda

    AMSTERDAM – Ex director di aeropuerto di Aruba Joost Meijs a wordo nombra como CEO di Maastricht Aachen Airport (MST), cuminsando 1 di october 2024. Meijs ta sigui Jonas van Stekelenburg como director di NV HBLM. NV HBLM ta inclui e companianan operativo Maastricht Aachen Airport BV y Maastricht Aachen Management & Infraport Airport. E Hunta di Supervishon a nombra Joost Meijs debi na su experencia amplio di liderazgo y trayectoria den e industria di aviacion.  Joost Meijs tabata CEO di Aeropuerto di Aruba, y prome cu esey Aeropuerto di Eindhoven. E accionistanan y conseho di trabao ta sostene su nombramento.

  • Secretario di Estado pa Asuntonan di Reino Szabó lo bishita Aruba na augustus!

    Secretario di Estado pa Asuntonan di Reino Szabó lo bishita Aruba na augustus!

    DEN HAAG - Secretario di Estado Szabó lo ta bishitando Aruba den luna di Augustus pa asina cera conoci cu e isla. Asina prome minister di Aruba Evelyn Wever Croes a bisa diamars. Esaki e la confirma despues di a reuni cu ne digitalmente. Esaki ta e prome bishita di e mandatario Hulandes despues cu e la huramenta dia 2 di juli ultimo. E ta reemplaza Alexandra van Huffelen cu a carga e cartera anteriormente. No ta conoci si Szabó lo continua cu e maneho di van Huffelen. 

  • Churandy Martina ta participa na su di 6 weganan olimpico na Paris

    Churandy Martina ta participa na su di 6 weganan olimpico na Paris

    AMSTERDAM - Churandy Martina por prepara pa su di seis Weganan Olimpico. E sprinter di 40 aña a wordo inclui den e seleccion Hulandes di e team di relevo pa e 4x100 meter.

  • Mal tempo na Hulanda awe cu codigo oraño: hagel di te cu cuater centimeter di tamaño

    Mal tempo na Hulanda awe cu codigo oraño: hagel di te cu cuater centimeter di tamaño

    AMSTERDAM – Awe diamars tabatin un bon chens pa strena pisa cu hopi awacero, hagel te cu cuatro centimeter di tamaño y rafaganan pisa di biento. KNMI a subi te na codigo oraño for di 4 or di atardi pa mei anochi. E instituto ta adverti contra actividatnan den aire liber cu por ta peligroso durante tormenta di strena. KNMI ta spera hopi molester y daño grandi dor di tormentanan fuerte prome den zuidwest y despues den henter e pais. Lamper lo causa hopi destruccion. Ta anticipa velosidad di biento di te cu 100 kilometer. 20 pa 40 mm di awa tambe lo kai den un tempu cortico.

  • Baby morto den auto di Rotterdam ta ‘suceso tragico’, tata ta liber atrobe

    Baby morto den auto di Rotterdam ta ‘suceso tragico’, tata ta liber atrobe

    ROTTERDAM - E homber detene ayera despues di morto di un baby haña den un auto na Rotterdam a keda laga den libertad. E polisnan ta informa cu e ta concerni e tata di e baby, un homber di 33 aña di Rotterdam.

  • Powered by SETAR