Central Boutique Hotel Aruba a tene un soft opening den centro di Oranjestad

ORANJESTAD – Weekend pasa Aruba a conoce un hotel ‘nobo’. Nobo entre parentesis pasobra e tabata un hotel den pasado caba, y awor a haya un renobacion total. Hopi lo conoce como Hotel Central, den centro di Oranjestad, y awor a keda bautisa como ‘Central Boutique Hotel Aruba’. Propietarionan ta e conocido comerciante Edmond Croes. E hotel su inicio ta di 1964, door di su welo Jendy Croes. 

RENOBACION

Segun Croes, na 2019 a inicia e trabou cu a encera compra di e edificio. E pandemia a tarda e proceso. Finalmente na 2022 a cumpra e edificio di Casilda y Rimbert Arendsz, encarga cu e edificio desde 1964. A haci un trabou di renobacion pa e prome fase, cu segun Croes, tabata intensivo. Y siman pasa a haci un asina yama ‘soft opening’, cu ricibimento di e prome huespednan. Fase 2 lo concentra riba renobacion di e piso abou, e bar y e restaurante dedica nan e concepto di ‘fine dining’. 

CONCEPTO

Manera cu Croes a splica, e concepto di Boutique hotel ta ‘trending awendia’. A dedica hopito tempo na e decoracion, combinando vintage y modernizmo. Mientras cu pafo a kita e asuleho, (tegels) a laga esaki pden. E cambernan ta chikito, pero bon ekipa cu tur lo necesario. “Manera bo sali bo ta den caya principal”Croes a sigui bisa. E hotel ta riba tur Plataforma online pa haci reserva, manera booking.com y expedia.