Cu empate contra St Lucia, Aruba ta keda na di 4 luga den su grupo pa cualificacion di mundial futbol 2026

BRIDGETOWN – Cu e empate ayera contra e seleccion nacional di St Lucia, e seleccion di Aruba ta keda na di 4 lugar den e grupo C. Aruba diamars a empata cu St Lucia cu e score di 2-2, cual wega a tuma lugar na Barbados. Aruba su golnan tabata den e prome mitar esta di  W. Bennett na di 21 minuut y I. Marselia na di 43minuut. Despues di e descanso, St Lucia a bin bek duro y a anota dos gol, e prome di  R. Stanislas na di 47 minuut y despues P. Pearson na di 67 minuut. 

E GRUPO C

E paisnan den e grupo C ta entre otro Haiti, Curacao, Saint Lucia, Barbados y Aruba.

PROXIMO WEGA 

Aruba lo hunga bek den e Concacaf Qualifiers Road to 2026 te otro aña 2025. Specificamente riba dia 4 Juni 2025 Aruba lo hunga afo contra Barbados y riba 7 di Juni 2025 Aruba lo hunga na cas contra Haiti. 

TABLA DI POSICION

Segun e table di posicion, Corsou ta na prome lugar cu

 2 wega hunga, 2 wega gana cu 6 punto, Haiti 2 wega hunga, 2 gana cu 6 punto, Saint Lucia 2 wega huga, 1 empata y 1 perdi, 1 punto, Aruba 2 wega hunga, 1 empata y 1 perdi, 1 punto, Barbados 2 wega hunga, 2 perdi, 0 punto

E AÑA AKI

Pa e aña aki Aruba lo hunga Concacaf Nations League na luna di September, Oktober y November. Aruba ta programa pa ta anfitrion na e luna di September