Sospechosonan di asesinato di Peter de Vries, a haya 28 aña di castigo di prizon

AMSTERDAM – Corte di Amsterdam a sentencia 3 sospechoso na castigonan largo di prizon pa asesinato di e periodista Peter R. de Vries. Dos sospechoso, esun cu a tira, Delano, y e chauffeur Kamil  a haya 28 aña di castigo di prizon y e organizador Krystian a haya 26 aña y 1 luna. Un di cuater sospechoso a haya 14 aña pasobra e la provee e armanan, y dos otro a haya 10 aña, pasobra nan mester a keda ‘pendiente’ y a filma de Vries ora cu e tabata tira herida riba caya. Tur otro a keda absolve.

PENA DI BIDA LARGO

Corte a enfoca cu e castigo di bida largo, ta bida largo y como tal mester ta hopi cuidadoso cu esaki. Pa e tres sospechosonan principal no a haya e castigo ey apropia pasobra ta trata di un asesinato y e sospechosonan no tabatin condena anterior pa asesinato.