Gabinete Schoof lo conoce 3 ministerio nobo den e gobierno Hulandes

DEN HAAG – E cuater partidonan di coalicion PVV, VVD, NSC y BBB a scohe pa añadi tres ministerio na e plan di gobierno. Ta trata di Asilo y Migracion,  Vivienda publico y ordenansa di  territorio, y clima y crecemento berde. Tambe loke a keda confirma ta cu partido PVV ta haya 5 minister, VVD y NSC cada un 4 y BBB 2. Na tur, gabinete Schoof ta haya 29 mandatario. Den e gabinete nobo tin solamente un minister sin cartera.

EDIFICIO

E hecho cu tin tres ministerio nobo, no ta nifica cu tin 3 edificio extra cu centenares di ambtenaar. Con esaki ta wordo hinca den otro, no ta conoci.