- Jeon ta kibra silencio riba impasse cu Kenley Jansen
- AHATA: Reconociendo companianan pa nan contribucion impactante na Aruba
- Wardacosta: A haya un ‘yola’ bandona na Dos Playa
- Fraccion di AVP na Ministerio Publico: Conduci bo funcion, rapido, transparente y husto
- Fundacion TUI Care ta lansa TUI Sea, e programa di cambio na Aruba
Arends: Cambio di maneho di actividad acuatico mester garantisa seguridad
ORANJESTAD —Pa garantisa e siguridad di tur cu ta disfruta di nos bunita lama blauw, reevaluacion di e maneho di actividadnan acuatico tabata necesario. Durante conferencia di prensa Minister di Transporte Sr. Ursell Arends a anuncia e implementacion nobo di e watersportbeleid. E maneho a wordo aproba den Conseho di Minister dia 28 di mei 2024 pa yuda mehora siguridad y sostenibilidad den e sector cu ta rekeri watersportvergunning na Aruba.
STOP TEMPORAL
Na april 2022 a pone un stop temporala riba peticionnan pa permiso pa eherce actividadnan acuatico(transporta pasahero contra pago) pa investiga e situacion actual, tanto ambiental como e aspecto di siguridad. Despues di hopi consulta cu varios stakeholder riba e vision di Minister di Transporte, incluyendo Directie Scheepvaart, Kustwacht, Maritiem Politie ATA, y AHATA, a bira evidente cu tabata necesario pa haci un revision completo di e ley.
ESTUDIO
Ademas un estudio riba capacidad di carga y durabilidad di e sector tambe ta importante, pero mirando cu esaki ta tuma hopi tempo, e no ta e intencion pa perhudica e companianan existente y pa e motibo aki ta introduci un maneho temporal mientras e estudio ta keda finalisa.
MANEHO ENFOCA RIBA TRES AREA
E watersportbeleid ta enfoca riba tres area principal; reemplaso, expansion y siguridad.
REEMPLASO
• Tur peticion pa permiso nobo ta wordo suspendi te cu proximo aviso.
• Peticionnan entrega prome cu 1 di januari 2024 pa reemplasa un boto lo wordo procesa debidamente.
• Pa reemplaso di boto cu caracteristica similar, Directie Scheepvaart lo realisa e investigacion necesario y ahustenan administrativo.
EXPANSION
• Peticionnan pa expansion entrega prome cu 1 di januari 2024 lo ser procesa.
• Companianan cu ta ofrece tripnan di boto, di pisca, snorkel, y bucea(dive) por cualifica pa amplia nan permiso agregando un boto na nan operacion, si nan ta cumpli cu tur reksito legal.
• E vergunninghouder, persona cu e permiso ta pertence na dje, mester obtene aansprakelijkheidsverzekering/ liability insurance, di acuerdo cu e articulo 19 Landsbesluit Openbare Wateren en Stranden AB 1987 no. 124.
• E seguro menciona mester wordo entrega na Directie Scheepvaart den tur caso, dus cada bes bo renoba e seguro bo tin cu informa y entrega esaki na DSA.
SIGURIDAD
• For di 1 di januari 2025, tur boto comercial pa actividadnan acuatico mester ta ekipa cu un “propeller guard”.
• Pa actividadnan acuatico cu ta involucra transportacion di pasaheronan riba lama (por ehempel, tubing, parasailing), un di dos persona di e compania di deporte acuatico mester ta presente riba e boto pa motibo di siguridad.
Adicionalmente, ta prohibi mara un boto of otro obheto, cu of sin boei na shipwrecks/schip wraken/naufragios por ehempel Antilla, tampoco na coralnan of boeinan cu ta marca zona di landa/buffer.
E watersportbeleid ta disponibel riba publico.aw bou di e pagina di Maneho. Minister Arends a informa tambe cu lo tin un sesion informativo cu lo wordo organisa pa comercio den e industria di watersport. Si no ricibi e invitacion pa diamars 11 juni 2024 por manda un email na [email protected] cu specificacion di compania pa añadi esaki den database. "Nos a constata falta di informaicon ora ta cumpra un negoshi over di un Eenmanszaak cu un watersportvergunning. Un vergunning di un eenmanszaak no por wordo cumpra — esey lo conta como un peticion nobo. Tambe si e eenmanszaak cu ta un natuurpersoon cambia pa un rechtspersoon bijv VBA. NV, VBA, tambe ta wordo considera como un peticion nobo. Locual por pasa ta cu por cumpra un Rechtspersoon pero no un natuurlijk persoon," Minister Arends ta agrega.
Finalmente Minister Arends ta enfatisa cu e cambionan den e maneho ta esencial pa garantisa siguridad y sostenibilidad di e actividadnan acuatico na Aruba. E ministro ta kere cu e medidanan aki lo mehora e experiencia tanto pa nos residentenan como pa turistanan y asina tambe mantene un standard halto di siguridad y proteccion ambiental. POTRET CORTESIA Adventure Sports Aruba.
Fraccion di AVP na Ministerio Publico: Conduci bo funcion, rapido, transparente y husto
ORANJESTAD – Diahuebs, fraccion di partido AVP den Parlamento, a manda un mensahe directo y quizas inusual den direccion di Ministerio Publico. Y esaki tabata pa ‘conduci su funcion di un manera rapido, transparente y husto pasobra Aruba merece claridad y progreso y no confusion of stagnacion’. E mensahe aki nan a manda pa mustra nan sosten pa nan colega Mike de Meza, cu ta purbando ainda pa bira minister di e gabinete AVP-FUTURO. Siman pasa, a bira conoci cu e la bira un sospechoso, y esey ta strob’e di bira un minister.
Minister den discusion cu e.o. AZV pa pone cierto remedi pa drumi, bek riba lista positivo
ORANJESTAD - Diaranson mainta, Minister di Salubridad Publico drs. Mervin Wyatt-Ras, a duna un splicacion detaya relaciona cu e lista positivo di AZV cu ultimamente ta den discusion. Ultimamente tin informacion eroneo cu tin varios persona cu ta haya recibo pa paga pa remedinan di drumi, siendo cu esakinan no ta kita oficialmente for di e lista positivo, mirando cu ta hibando discusion ainda riba esakinan cu e diferente instancianan.
Presupuesto 2026 di pais Aruba entrega na CAft pa conseho
ORANJESTAD – Minister di Finansa, Economia y Sector Primario Mr. Geoffrey Wever ta informa cu e presupuesto 2026 di Pais Aruba a wordo manda pa College Aruba financieel toezicht (CAft) pa conseho. Despues cu gobierno ricibi e conseho di CAft, e presupuesto 2026 lo wordo entrega na Raad van Advies cu tambe lo inclui e reaccion riba conseho di CAft. Ta premira cu Parlamento di Aruba lo ricibi e presupuesto 2026 prome cu 1 di september 2025 manera ley ta prescribi.
Conferencia di Labor (ILO): Hulanda cla pa brinda asistencia na Aruba rib’e tereno di labor
GENEVE - E conferencia di International Labour Organization (ILO) ta trece lider nan di gobierno di tur parti mundo hunto pa delibera riba con pa promove husticia social y mehora e posicion di nos empleadonan. Durante e di shentidiestres edicion di e conferencia di ILO, Minister mr. Wendrick Cicilia y director general, Kaatee a probecha e momento pa intrecambia pensamento rib’e vision y maneho p’e sector laboral.
Wever: E revitalisacion di centro di San Nicolas a inicia
SAN NICOLAS - Dialuna mainta durante un conferencia di prensa Minister mr. Geoffrey Wever y Minister mr. Arthur Dowers, a inicia oficialmente e proyecto di revitalisacion di e centro di San Nicolas. E momento simbolico di 'groundbreaking' ta marca un paso concreto den e ehecucion di e vision di Gabinete AVP-Futuro pa trece bida, actividad economico y prosperidad bek den e centro di San Nicolas.
Wever: Lo evalua resultado di ‘Ban Bek Caya’ y wak si ta hacie algo mensual
ORANJESTAD – Mientras cu ta considera e evento organisa pa gabinete AVP-FUTURO, esta Ban Bek Caya, como un exito rotundo pa gobierno, no ta sigur cu e evento aki ta ripiti, y tampoco no sa den ki forma. Minister di economia Geoffrey Wever mientras cu e ta satisfecho di con e evento a desaroya, den un reaccion pa Noticiacla, a comenta cu lo tin cu evalua awor, cu demas partners, pa wak si ta haci e evento algo mensual. E tabata masha contento si di wak tanto hende asina na e evnto, unda cu tabata masha gezellig.
Follow NoticiaCla
