- Minister Hulandes di Husticia van Weel a bishita wardanan di polis na Aruba awe
- Van Haasen(PVV): Bergonsoso cu na Corsou, partido lidera pa hende cera den prizon, ta bay eleccion
- Veldkamp: Hulanda lo actua contra Venezuela despues di expulsion di diplomaticonan
- Feco Gomez(AMAK): Arubianonan ta participa atrobe den festival di Tumba di Corsou
- Zoetrum (CTB): Corsou tin un sin fin di actividad pa Arubianonan den 2025
Salud di Prostaat: Un topico vital pa hende homber di tur edad!
(ADVERTORIAL)
ORANJESTAD - Mi nomber ta Dasha, mi ta un boticario na Botica di Servicio y bon bini bek na nos column!
Luna di juni ta luna di tata, dus ban papia un tiki tocante e salud di hende homber. Ora nos papia di salud di hende homber, tin un tema cu ta sumamente importante pa toca riba dje: salud di prostaat.
Salud di prostaat ta crucial pa e bienestar total di homber. E prostaat, un gland chikito bou di e blaas, ta hunga un rol grandi den salud reproductivo di homber. Cu edad mas halto, e riesgo pa problema relaciona cu prostaat, manera benign prostatic hyperplasia (BPH), prostatitis y cancer di prostaat, ta aumenta. Comprondiendo e condicionan aki y mantene e salud di prostaat ta pesey esencial!
CONDICIONAN DI PROSTAAT
Benign prostatic hyperplasia (BPH): BPH ta un agrandamento no-canceroso di prostaat cu ta comun den homber di mas edad. Sintoma nan ta inclui urina frecuente, straal di urina zwak y no por haci e blaas ful bashi. Aunke BPH no mester ta peligroso, e por impacta e cualidad di bida.
Prostatitis: Prostatitis ta un inflamacion di prostaat ku por afecta homber di tur edad. E por causa dolor den e area pelvico, ta urina cu dolor y ta sinti sintomanan manera di griep. Prostatitis cronico por wordo trata cu un combinacion di remedi y cambio den e estilo di bida.
Cancer di Prostaat: Cancer di prostaat ta un di e cancernan mas comun den hende homber. Deteccion trempan pa medio di test di e prostate-specific antigen (PSA) y examen digital rectal (DRE) ta crucial pa un tratamento exitoso. Sintomanan por inclui dificultad pa urina, sanger den urina of semen, y incomodidad den e area pelvico.
CONSEHONAN PA MANTENE E SALUD DI PROSTAAT
Check-up Regular: Cuminsando na 50 aña mester cuminsa papia cu un doctor tocante e screening pa check-up pa cancer di prostaat. Esnan cu tin un historia familiar di cancer di prostaat of cu ta di descendencia Africano lo mester cuminsa cu e screening aki mas trempan.
Dieet Saludabel y actividadnan fisico: Un dieet rico den fruta, berdura, grano integral y proteina pero tambe ehercicio regular ta sostene salud di prostaat. Cuminda halto den antioxidantenan, manera tomati y acido omega-3, cu por haya den pisca y semia di flax, ta beneficioso. Ta importante tambe pa mantene un peso saludabel.
Mantene bo mes informa: Hende homber mester ta proactivo den siña tocante salud di prostaat y buscando conseho medico pa sintomanan no usual.
CONCLUSION
Salud di prostaat ta un aspecto crucial di salud di hende homber cu mester di atencion y cuido. Testnan regular, un dieet saludabel, actividad físico, y evitando factornan di riesgo ta e strategia importante pa mantene salud di prostaat. Deteccion y tratamento trempan ta esencial!
Y manera semper, pa consehonan personal, pasa serca nos na Botica di Servicio!
P.S. Nos a cuminsa cu un podcast! Den e programa aki, yama Den Bista di Boticario, nos ta bai toca diferente temanan tocante salud y e mundo medico. Keda pending pa mas detayes riba nos social media @boticadiservicio !!!
DVG laga kita producto ‘Blauwe Bessen’ di mercado na Aruba debi na posibel contaminacion
ORANJESTAD - Departamento di Salud Publico di Aruba (DVG) a tuma nota di un informacion publica pa RIVM Hulanda riba casonan di Hepatitis A vincula cu e producto ‘Blauwe Bessen’ 1kg di e marca AH. Mesora nos seccion Warenkeuring en Hygiëne a subi caya y haci bishita na algun supermercado specifico conoci pa ta bende productonan procedente di Hulanda. Por informa cu ta unicamente un supermercado ta bende e marca specifico aki cu ta AH na Aruba y desde ayera caba nan a wordo notifica di e problematica cu e producto, pa cual motibo nan a saca tur e productonan for di vriezernan caba. Apesar cu DVG no por a topa cu e producto a conseha management di e supermercado pa verifica cu nan no tin e producto aki warda den warehouse y si esaki ta e caso pa deshaci di esakinan mesora particularmente e batch cu tin expire day april 2025 pa april 2026.
FADA a presenta e campaña mas nobo contra maneha bou di influencia di alcohol: BAR
ORANJESTAD – BAR ta e concepto y campaña mas nobo di Fundacion Anti Droga Aruba di no maneha bou influencia di Alcohol. Dicon BAR? BAR pa hopi hende ta conoci como un lugar di consumi alcohol, un lugar unda tin ambiente y cu mayoria bes tin alcohol presente. Mirando cu FADA a escohe pa drenta un era nobo y un forma mas moderno pa trece concientisacion nos a pensa ariba tur area con pa yega mas serca di e comunidad. Crea un campaña no ta algo facil y na momento cu e tin cu yega na un grupo grandi di persona den nos comunidad cu ta consumi alcohol e ora mester crea algo “catchy” y moderno cu nan lo tin gana di scucha di dje. Nos ta di pensamento cu di tur cos cu kisas tin un luz negativo su tras nos por saka e positivo for di dje. Y pesei awe nos tin e honor di presenta na comunidad di Aruba, BAR. Cu un mente habri y moderno nos ta presenta BAR. E concepto BAR ta para pa Bo Amigo Responsabel, e persona cu no ta bebe alcohol y ta zorg pa na momento cu abo scohe pa “dal dos” lo bo yega cas sano y salvo cune como bo BAR, Bo Amigo Responsabel. No ta desconoci cu durante aña y sigur den e temporada cu nos ta aden di Carnaval, tin hopi alcohol ta wordo consumi y esaki ta e motibo tambe cu nos no por a laga aña habri sin crea un campaña cu sigur cu e sosten di comunidad completo di Aruba lo ta un exito total. Tur esaki no lo ta posibel sin e ayudo grandi di personanan cu a kere den e campaña desde e prome dia cu nan a scucha e concepto.
Conseho Electoral di Aruba ta informa
Lidernan regional y internacional a recorda Henny Eman (dfm) diamars
ORANJESTAD – Den oranan di traimerdia, a toca lidernan local, regional y internacional pa presenta na e ceremonia di entiero di Aruba su prome premier, mr Henny Eman. Entre nan, tabatin ex prome ministernan di Antias Maria Liberia-Peters y Emily de Jongh-Elhage, ex minister Tico Croes, y den representacion di gobierno Hulandes y Hulanda, ex premier Jan-Peter Balkenende cu awe ta Minister van Staat. Cada uno, riba nan forma y dependiendo nan experiencia, a comparti nan pensamento y palabra na tur esnan presente. Tambe den representacion di gobierno di Aruba, Xiomara Maduro a hiba palabra. Y na final, yiu homber mas chikito, actual lider di partido AVP Mike Eman, a cera e ciclo di discurso, cu un discurso emotivo, y sigur hopi emocional na final. Na final, tabatin posibilidad pa sigui condoleer pa despues e parti misal tuma lugar pa finalmente hiba Henny Eman na su ultimo lugar di sosiego. Cu Henny sosega na Paz.
Aruba Tourism Authority ta Cende Mecha di Parada di Flambeu
ORANJESTAD - Cu gran honor, Aruba Tourism Authority (A.T.A.), como un di e sponsornan oficial di Carnaval, a cende e mecha ceremonial pa asina inicia e promer actividad oficial di Carnaval 71. Esaki ta un papel prestigioso cu ta resalta e sosten continuo y reconocemento diparti di A.T.A. pa cu Carnaval. Un tradicion cu ta sirbi como un herencia cultural vibrante di nos isla.
Bista fotografico ora cu comunidad di Aruba a cuminsa dispidi di Aruba su prome premier
ORANJESTAD – Despues di cu e corteho funebre di Henny Eman (dfm) a pasa na Bestuurskantoor pa dispidi, a sigui pa Plaza Henny Eman. Aki tabata e prome moment cu e comunidad di Aruba por a disipidi di nan prome premier di Aruba. Y for di tempran e fila a cuminsa forma, pa por a dispidi di Henny Eman, y condoleer e famia Eman, cuminsando cu e ruman ‘chikito’ Mike Eman. Durante e dispidida, lo tin ponemento di krans, sigui pa discursonan di varios dignitarionan y personanan local e internacional, manera cu Noticiacla a indica anteriormente caba.
Follow NoticiaCla
