Aruba a duna Corsou bataya, pero a cay venci na final 2-0

Posted on 06/8/2024 10:42 pm AST | Updated on 06/8/2024 11:43 pm AST

ORANJESTAD – Dilanti di un publico di 3.000 persona, e seleccion nacional di futbol di Aruba a duna e seleccion di Corsou basta dolor di cabez diasabra anochi, aunke cu nan a cay venci 2-0 finalmente cu goal di Xander Seferina (ADO DEN HAAG) y Leandro Bacuna (WATFORD FC). Corsou a bin cu e pensamento cu nan lo a score mucho mas gol, segun e entrenador Dick Advocaat riba pregunta di Noticiacla despues di e wega. “Aruba no a haci e trabou facil pa nos” Advocaat a bisa despues di e wega. Ambos gol di Corsou a bin den e di dos mitar, pero esaki sigur no tabata facil pa Corsou. Segun e entrenador di Aruba, Marvic Bermudez, nan plan di wega tabata pa frustra e intencion di Corsou, cual intento a yuda hopi bon. E la referi na e prome mitar di e wega unda cu por a nota frustracion di e hungadornan di Corsou cu a hasta cuminsa discuti cu otro na cierto momento. Segun Bermudez, no tin cu lubida cu e seleccion di Corsou tin 23 hungador professional y nan nivel ta mucho mas halto cu esun di Aruba. Esey sinembargo no a keda desplega diasabra anochi. Pero finalmente toch Aruba ta cay venci y tin cu bay Barbados pa hunga contra St Lucia dia 11 di juni proximo. 

  • Seleccion di Hulanda ta gana Turkia 2-1 y ta den semi final contra Inglatera

    Seleccion di Hulanda ta gana Turkia 2-1 y ta den semi final contra Inglatera

    BERLIN - E ekipo Hulandes a mustra resiliencia contra Turkia diasabra y ta bek den e semi-finalnan di Campionato Europeo despues di binti aña. E seleccion nacional Hulandes a clasifica pa e semi-finalnan di e campionato di Europa despues di un regreso den e di dos mitar. Den e cuarto di final contra Turkia, e seleccion Hulandes a supera un deficit di 0-1 na Berlin den e di dos tempo: 2-1. Stefan de Vrij a empata y e propio gol di Mert Müldür tabata determinante. Diaranson 10 di juli Inglatera lo ta e siguiente contrincante di e seleccion Hulandes na Dortmund pa (3pm ora di Aruba ). E otro partido di semi-final lo wordo hunga diamars entre Spaña y Francia.

  • Aruba International Regatta su 14 edicion a conclui exitosamente na Regatta Village

    Aruba International Regatta su 14 edicion a conclui exitosamente na Regatta Village

    ORANJESTAD - International Aruba Regatta 2024 a conclui diadomingo 30 di juni cu dos dia di careda y dos ceremonia di premiacion, celebrando e tremendo presentacionnan di ambos nabegadonan adulto y hoben.

  • Sarah-Quita Offringa ta gana den Copa Mundial di Windsurf na Gran Canaria

    Sarah-Quita Offringa ta gana den Copa Mundial di Windsurf na Gran Canaria

    POZO IZQUIERDO - Un dia historico pa windsurf na Pozo Izquierdo. E di cinco dia di competensia na e Copa Mundial di Windsurf di Gran Canaria Gloria a conta cu e prome evento internacional di Slalom X den historia di Copa Mundial di PWA.

  • Hulanda ta topa Turkia diasabra den cuarto final di Copa Europa 2024

    Hulanda ta topa Turkia diasabra den cuarto final di Copa Europa 2024

    BERLIN – Seleccion di futbol nacional Hulandes ta topa seleccion di Turkia diasabra atardi 3’or den e cuarto di final. Esaki despues cu Turkia a gana Austria 2-1 diamars atardi, ora di Aruba. Hulanda tabata e prome pa gana su partido algun ora prome, contra Rumania 3-0. Cu esaki e la haya e derecho pa sigui pa e siguiente buelta. NOTA: E potret ta di archivo di e wega entre Turkia y Hulanda na 2021 den e cualificacion pa Mundial di Futbol Qattar 2022.

  • Hulanda ta spera di gana Rumania y pasa pa siguiente buelta den Copa Europa awe

    Hulanda ta spera di gana Rumania y pasa pa siguiente buelta den Copa Europa awe

    MUNICH – E seleccion nacional di futbol Hulandes ta spera di cualifica pa e cuarto di final awe, ora cu nan hunga contra e seleccion di Rumania awe merdia. E wega ta cuminsa pa 12’or di merdia (ora di Aruba) y e seleccion cu gana, ta pasa pa e siguiente buelta, y e otro ta bay cas. Hopi ta spera cu no ta Hulanda ta bay cas, ya cu esaki ta haci e ambiente mas largo sigur akin a Aruba.

  • Aruba ta titula Campeon di Senior League Baseball na Puerto Rico

    Aruba ta titula Campeon di Senior League Baseball na Puerto Rico

    SAN JUAN – Seleccion di baseball Senior League di Aruba diasabra a derota Republica Dominicana 8 - 2 den e gran final. Awor Aruba lo hunga e Serie Mundial di Senior League na South Carolina, Merca representando Caribe di 27 di Juli pa 3 di Augustus proximo. Parce cu depues di 6 aña Aruba   ta bek den un Serie Mundial di baseball Little League. A compronde tambe cu e hoben Xylon Starke a haci un tremendo trabou den e wega aki. NOTA: Texto ta colaboracion y potret ta cortesia 297 Sports. 

  • Powered by SETAR