Problema di coriente a afecta hasta e corant mas grandi di St Maarten di produci su edicion

PHILLIPSBURG – E situacion di coriente na St Maarten a bira asina serio cu hasta medionan ta afecta. Entre nan, e corant porta mas grandi di e isla, The Daily Herald no por a produci un corant pa awe. “No tin corant awe!” e corant a informa diabierna. “Debi na e falta di coriente frecuente y largo cu a afecta nos sistema interno, tabata dificil pa produci un corant pa awe” e corant ta sigui bisa. “Nos lo publica un edicion combina dialuna cu contenido pa ambos dia y ta pidi despensa pa e inconveniencia” e corant ta sigui bisa. 

PROBLEMA

E problema di coriente a bira un problema serio riba e isla cu Hulanda a cay aden y ta purbando pa yuda e isla cu asistencia di otro islanan den region manera Aruba y Corsou. E intencion tabata pa e dos islanan aki yuda cu generadornan, pero no a sigui debi cu e islanan no tin e generadornan cu e capacidad aki. E isla tin problema asina serio cu nan tin cu schakel tur dia pa barionan keda cu coriente maske ta algun ora pa dia.