Hulandesnan registra na Aruba tambe a vota pa Parlamento Europeo

ORANJESTAD – Hulandesnan registra pa participa na eleccion Parlamentario Europeo tambe por a vota ultimo simanan caba. E votamento ta tuma lugar na e oficina di representacion di Hulanda, osea VNO. Oficialmente tin 1184 persona registra, y te cu awe mainta un total di 300 persona a deposita nan voto. Y pa esnan cu no a vota ainda, por a haci esaki te 3’or awe tardi ora di Aruba. Mester bisa si cu e cifra di registro ta inclui personanan cu den pasado a registra y tin pues e posibilidad cu tin hendenan cu ta registra ainda pero cu no ta sea bib mas na Aruba. Si compara e cantidad di persona cu a vota, pa eleccion di Tweede Kamer tabatin mas of menos 500 persona cu a vota, pues esey ta mas halto. E cifra halto di 1184 ta primordialmente tempo cu tabatin Arubiano riba e lista na Hulanda.  

KEN TUR POR A VOTA

Personanan cu nacionalidad Hulandes na Aruba, Corsou i Sint Maarten cu dia 6 di juni tin 18 aña òf mas por vota pa eleccion di Parlamento Europeo di 2024. Pa hasi esaki e mester a registra su mes como votado na e municipio di Den Haag, no mas tarda cu diahuebs 25 di april 2024. Por a registra facilmente online riba e website www.stemmenvanuithetbuitenland.nl   

CUANTO A REGISTRA

Te ku awor 2.577 habitante di Aruba, Corsou i Sint Maarten a registra pa e elekshonnan di Parlamento Europeo. Rond mundo tin mas cu 97.000 Hulandes cu ta vota for di exterior pa e eleccion den juni.