E prome miyonario di Lotto pa 2024 a bin reclama su premio !

ORANJESTAD - E prome miyonario di Lotto pa 2024 no a perde pa gana y e mesun mainta despues di a gana su premio anochi, y bira miyonario, e la bin reclama su premio merecidamente na oficina di Lotto! 

Diamars anochi 4 di juni tabata tin e sorteo miyonario di Mini Mega y Mega Plus. E numbernan ganado tabata: 12-14-18-26 y e Mega Ball: 13 y manera e resultado a wordo procesa a bin haya sa cu tin 1 solo ticket ganado cu a gana full e jackpot Mini Mega y Mega Plus cu e jackpot tabata na 1 miyon florin cu wordo bendi na Rockies Lottery na Dakota. 

Awe diaranson, Aruba ta sera conoci cu e prome feliz miyonario di Aruba cu Lotto, e loteria di Aruba pa aña 2024. E feliz ganado a presenta na oficina di Lotto na Paardenbaaistraat 10 emociona pa cobra e premio grandi aki cu el a gana cumprando numbernan loco. 

Jimmy a conta cu pa casualidad a bay cumpra su Mini Mega y Mega Plus dialuna y a pidi numbernan loco y e numbernan loco aki a bira e numbernan miyonario. Jimmy ta e prome feliz ganador di e jackpot miyonario di Mini Mega y Mega Plus pa 2024.