WEB: Situacion di coriente ta keda delicado y ta pidi pa sigui coopera

ORANJESTAD – Un dia despues cu WEB a bati alarma hunto cu ELMAR pa e situacion di coriente, e situacion ta keda mescos. “Si, e solicitud ta keda!”, vocero di WEB, Asja Dongen a confirma pa noticiacla diaranson mainta. Ora cu a check cu ELMAR, a manda nos pa WEB pa su version. Cu esaki, ta bira conoci cu e situacion di coriente ta keda delicado, mirando e situacion di tempo, ta keda uno calor, cu poco biento, pues cu mester anda delicado cu coriente. 

E SITUACION DIAMARS

WEB a alerta comunidad ayera riba e situacion cu a surgi. Esaki ora cu a constata esituacion cu biento lo cay completo den curso di dia, cu consecuencia cu lo no tin suficiente produccion di energia di biento. Teniendo esaki na cuenta y cu tin unidadnan den mantencion, a dicidi di baha WEB su propio consumo di energia. Ademas WEB mesora a tuma contacto cu diferente consumidor grandi di energia, pa wak kico nan lo por haci pa baha e consumo mas cu nan por, of pa start nan generatornan, durante orario piek ayera tardi / nochi entre 6or pa 10or. COOPERACION

Por bisa cu esunnan cu WEB  a acerca a duna tremendo cooperacion y cu nan tambe ta wak e importancia pa e producion di coriente y pueblo di Aruba keda cu coriente. Di e forma aki WEB por pasa den e piek sin cu mester interumpi coriente pa asina por cumpli cu demanda. Ayera 4 di juni e demanda pa coriente tabataextremo y riba 156 MW, compara cu 145 MW na mei 2023. Entretanto ELMAR a manda un comunicado cu peticion na comunidad en general pa nan cooperacion di uza menos coriente posibel. E aumento drastico den demanda di coriente ta consecuencia di un combinacion di factor manera aumento di temperatura y crecemento di economia y turismo. Cu e medidanan tuma, WEB ta  anticipa y percura pa controla e demanda pa coriente. 

SITUACION TA KEDA MESCOS

Bek pa e update pa diaranson, e vocero a splica cu e alerta ta keda pa full e temporada di calor cu ta sigui te September, oktober.”As long as temperatura ta halto” Dongen a finalisa bisando.